1 Pedro 2:11 - Qheshwa Biblia DC

¹¹ Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku.

DIOSPA QHELQACHISQAN DEUTEROCANONICAL

¹¹ Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

DIOSPA QHELQACHISQ

¹¹ Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

Quechua South Bolivia: Dios Parlapawanchej

¹¹ Munacuskasníy, yuyaricuychej cay pachapeka forastero causajcunalla canquichej. Janaj pacha llajtayoj caskayquichejraycu nishayquichej, cay pacha munaycunamanta carunchacunayquichejta. Chay manacaj munaycunaka mosoj causayniyquichejpi kancunawan makanacushancupuni.

1 Pedro 2:11 Referans Kwoze

Gálatas 5:24

Cristojta kajkunaqa aychata chakatanku, sajra munayninkuta, munapayayninkutawan khuska.

Hebreos 11:13

Creespa tukuyninku wañuporqanku, chay Diospa qonan kasqanta manaraj jap'ishaspa; astawanqa karullamanta chay imasta qhawaspa, creespa, napaykuspataj; ajinamanta, kay pachapi purej runas jina, mana llajtayoj kasqankuta rejsicherqanku.

Romanos 8:13

Aychaj munayninman jinachus kausankichej chayqa, wañunkichej. Chantá Espiritunejtachus aychaj ruwanasninta wañuchinkichej chayri, kausankichej.

1 Crónicas 29:15

Qampa rikuyniykipeqa mana llajtayoj ñan purejkuna jinalla kayku. Jinallataj ñaupa tatasniykupis karqanku, kaypachapi kausayniykoqa llanthu jina pasapullan, mana ima suyayniyoj.

Santiago 4:1

Maymantataj jamun ch'ajwas maqanakus ima qankuna ukhupi? Manachu sajrata munasqaykichejrayku? Chay sajra qankuna ukhupi maqanakushan.

2 Timoteo 2:22

Ajinallatataj, waynaspa sajra munapayayninkumantapis ayqey. Cheqa kajtapuni ruway fewan, munakuywan, sonqo tiyakuywan, pikunachus llimphu sonqowan Señorpa sutinta wajyakunku chaykunawan.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

Efesios 4:1

Noqa Señorninchejrayku presochasqa kani. Mañaykichej allinta purinaykichejta Diospa wajyasqasnin jina, ajllasqasnin jinataj.

Romanos 7:23

Chantá waj leyta cuerpoypi rikuni, chaytaj sonqoypa contrampi kashan; presochasqatataj juchaj leyninman pusawan, mayqenchus ukhuypi kashan, chayman.

San Lucas 21:34

Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

Salmos 119:19

Noqa kay pachapi purikoj runalla kani, kamachisqasniykitaqa ama pakawaychu.

Salmos 39:12

Señor, mañakusqasuyta uyariway. Waqaspa mañakusqasuyta uyariway. Waqasqayta rikuspa ama ch'inlla kaychu. Qampajqa waj llajtayoj jina kani, ripoj p'isqo jina, ñaupa tatasniy jinataj.

Levítico 25:23

Chay jallp'astaqa ama wiñaypaj vendenkichejchu, imaraykuchus noqajtamin jallp'aqa. Qankunaqa karu llajtayoj, noqaj wajyarisqay jinalla kankichej.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

Hechos 15:20

Manachayqa escribina kachun: Ama qhasi dioskunaman jaywasqasta mikhunankuta, ama qhenchachakunankuta; ama jeq'eqasqa animalesta mikhunankuta, nitaj yawartapis.

Génesis 47:9

Jacobtaj nerqa: Ujnejmantaj ujnejmantaj purisqaypi pachaj kinsa chunka watasniyojña kani. Chayqa pisillaraj, mana allin watastaqa manaraj rikunichu tukuy kausayniypi, ñaupa tatasniy rikusqanku chaytaqa manaraj rikunichu.

1 Pedro 1:1

Noqa Pedro, Jesucristoj apostolnin kani. Kay cartata escribimuni llajtasninkumanta qharqosqas ch'eqerasqasman; pikunachus tiyakunku Pontopi, Galaciapi, Capadociapi, Asiapi, Bitiniapi ima chaykunaman.

Salmos 119:54

Kamachisqasniykeqa misk'i takiykunasniy kanku, kay pachapi karu llajtayoj jina kashajtiy.

Génesis 23:4

Noqaqa karu llajtayoj qankuna ukhupi tiyakuni, jinapis venderiwaychej ari uj chhikan jallp'ata, chayman warmiyta p'ampakapunaypaj.

Efesios 2:19

Ajinapi manaña waj llajtayoj jinachu kankichej, nitaj wajyarisqa jinachu; manachayqa uj llajtayojllaña kankichej ajllasqaswan, Diospa wasimpitaj wawasnin kankichej.

Hebreos 6:9

Munakusqasniyku, qankunamantaqa astawan jatuchaj sumaj imasta suyayku. Chaykunaqa salvaciompata kanku, chay jinata parlashajtiykupis.

1 Pedro 4:12

Munakusqasníy, ama t'ukuychejchu nina larwaypi jina ñak'arisqaykichejmanta; mana rejsisqapis kanman jina.

2 Pedro 3:1

Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani.

Génesis 21:34

Jinamanta Abrahamqa unayta tiyakorqa filesteospa jallp'ampi.

Levítico 15:18

Sichus uj qhari uj warmiwan puñunman mujuntaj llojsinman chayqa, iskayninku yakuwan mayllakunanku tiyan. Ch'isiyanankamataj iskayninku mana llimphupajchu qhawasqa kanqanku.