1 Pedro 1:3 - Qheshwa Biblia DC

^3-4 Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

DIOSPA QHELQACHISQAN DEUTEROCANONICAL

³ Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

DIOSPA QHELQACHISQ

³ Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Quechua South Bolivia: Dios Parlapawanchej

³ Señorninchej Jesucristoj Diosnin Tatanka may jatunchaska cachun. Dioska may jatun qhuyacuyninwan mosoj causayta kowarkanchej. Wiñay causayniyoj cananchejpajtaj Jesucristota wañuymanta causarichimorka. Chayraycu Diospipuni confiacunchej.

1 Pedro 1:3 Referans Kwoze

1 Pedro 1:23

Qankunaqa watejmanta nacisqas kankichej, mana ismoj mujumantachu; manachayqa mana ismojmanta, Diospa palabrannejta. Chaytaj kausan wiñaynintimpaj.

1 Juan 5:4

Pillapis Diospa wawan kajqa kay pachata atipan. Kaymá atipayqa. Creesqaykichej kay pachata atipan.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

2 Corintios 1:3

Yupaychasqa kachun Dios Señorninchej Jesucristoj Tatan; imaraykuchus payqa khuyakoj Tata, tukuy imapi sonqochakoj Diostaj.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

Romanos 12:12

Kusiywan kakuychej suyaypi, llakiypi llamp'u sonqowan, Diosmanta mañakuspapuni.

1 Juan 2:29

Jesucristo cheqan kasqanta yachankichej chayqa, yachallaychejtaj ari, pillapis cheqan kajta ruwajqa, Diospa wawan kasqanta.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Éxodo 34:6

Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

Efesios 3:20

Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

1 Timoteo 1:14

Señorninchejpa khuyakuynintaj astawan ashkhayarqa fewan, munakuywan ima Cristo Jesuspi.

Efesios 2:4

Diosqa khuyakuypi qhapaj kaspa munakuwarqanchej chay jatun munakuyninwan.

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

1 Corintios 15:20

Kunanqa yachanchej Cristo kausarimusqanta wañusqakunamanta ñaupaj poqoy jina.

1 Corintios 13:13

Kunanqa kashan fe, suyay, munakuy; kay kinsa kajkunamanta astawan kurajqa munakuy.

1 Juan 3:9

Diospa wawan kajqa mana juchapi kausanchu; paypeqa Diospa kausaynin kashan. Diospa wawan kasqanraykutaj manaña juchapi kausanmanchu.

1 Pedro 2:2

Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.

Hebreos 3:6

Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

1 Tesalonicenses 1:3

Dios Tatanchejpa ñaupaqempi mana samaspa, yuyarikuykupuni feniykichejpa ruwayninmanta, munakuywan llank'asqaykichejmanta, Señorninchej Jesucristopitaj, pacienciakuywan suyakusqaykichejmanta.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Romanos 8:24

Suyasqanchejrayku salvasqas kanchej; chantá rikukoj suyayqa manaña suyaychu. Pillapis rikunña chayqa, imapajñataj suyanqari?

Romanos 8:11

Wañusqamanta Jesusta kausarichejpa Espiritunchus qankunapi kashan chayqa, pitachus Dios kausarichimorqa, chayllataj wañusqa ukhuykichejta kausarichimonqa, qankunapi kashan chay Espiritunejta.

San Juan 1:13

Paykunaqa mana yawarmantachu kanku, nitaj aychaj munayninmantachu, nillataj qharej munayninmantachu; astawanqa Diosmanta.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Isaías 26:19

Chaywampis, wañusqasniykeqa kausarimonqanku, ayasninkupis kausarimponqanku. Jallp'a ukhupi puñojkunaqa rijch'arimonqanku, kusiywantaj mayta qhaparispa kusikonqanku. Qanqa k'anchayta chhulla parata jina apachimunki, chanta wañusqasqa jallp'a ukhumanta sayarimonqanku.

1 Juan 5:18

Yachanchej Diosmanta nacejqa mana juchapi purisqanta, imaraykuchus Diospa Churin payta juchamanta waqaychan. Chayrayku supayqa mana atinchu payta llankhaykuyllatapis.

1 Juan 5:1

Pillapis Jesusqa Cristo kasqanta creen chayqa, Diospa wawan. Pillapis tatanta munakojqa, wawantapis munakullantaj.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

Salmos 41:13

Yupaychasqa kachun Israelmanta Diosnin, wiñaypa wiñaynimpaj. Ajina kachun.

1 Crónicas 29:20

Chay qhepamantaj Davidqa tukuy tantasqas kasharqanku chaykunaman nerqa: Kunanqa Señor Diosniykichejta bendiciychej. Chaypacha tantasqas kajkunaqa tukuyninku ñaupa tatasninkoj Señor Diosninta bendicerqanku, qonqorikuspa k'umuykukuspataj yupaycharqanku, Señorpa ñaupaqempi, reypa ñaupaqempiwan.

1 Reyes 8:15

Nerqataj: Bendicisqa kachun Israelpa Señor Diosnenqa, payqa tatay Davidman parlasqanta kunan junt'an kay jinata nisqanta:

1 Juan 4:7

Munakusqasníy, purajmanta munanakunachej. Munakoyqa Diosmantamin. Munakojqa Diospa wawan, Diostataj rejsin.

1 Tesalonicenses 4:13

Munayku, hermanos, qankuna yachanaykichejta wañojkunamanta, ama llakisqas kanaykichejpaj chay ujkuna jina, mana suyayniyoj kajkuna jina.

Gálatas 6:16

Tukuy kay kamachiykunaman jina purejkunaman sonqo samakuy, khuyakuytaj kachun; jinallataj Diospa ayllun Israelmampis.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

1 Pedro 1:13

Chayrayku, allinta yuyayniykichejta wakichiychej, maychus kajtataj kausakuychej. Tukuy suyayniykichejtataj churaychej chay khuyakuypi; mayqentachus Dios Tata qosonqachej, Jesucristoj rikhurimuynimpi.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.

1 Pedro 3:5

Ñaupa p'unchaykunapeqa, Diospi suyayniyoj ajllasqa warmis, chay imaswan k'achanchakorqanku, qosasninkuta kasuspa.

1 Pedro 3:15

Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.

2 Crónicas 31:8

Ezequiaswan chay llajta kamachejkunawan chay tantasqankuta qhawaj rispataj Señorta Israel ayllutawan bendicerqanku.