1 Pedro 1:22 - Qheshwa Biblia DC

²² Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

DIOSPA QHELQACHISQAN DEUTEROCANONICAL

²² Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

DIOSPA QHELQACHISQ

²² Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Quechua South Bolivia: Dios Parlapawanchej

²² Diospa cheka niskanta casuskayquichejraycu juchamanta llimphuchaskasña canquichej. Cristopi hermanosta tucuy sonkowan munacunayquichejpajmin llimphuchasorkachej. Chayraycu cunanka kancunapura munanacunayquichejpuni tiyan tucuy sonkoyquichejwan.

1 Pedro 1:22 Referans Kwoze

1 Timoteo 1:5

Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

Hebreos 13:1

Hermanos ukhupi munakoyqa kallachumpuni.

1 Juan 4:12

Mana ni jayk'aj pipis Diosta rikorqachu. Purajmanta munanakojtinchejqa, Dios noqanchejpi kashan, munakuynintaj noqanchejpi junt'akun.

1 Juan 4:7

Munakusqasníy, purajmanta munanakunachej. Munakoyqa Diosmantamin. Munakojqa Diospa wawan, Diostataj rejsin.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

1 Juan 3:23

Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

2 Tesalonicenses 1:3

Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis.

1 Tesalonicenses 3:12

Señortaj qankunata munakuywan junt'achichun, ashkhayachichuntaj qankuna ukhupi, wajkuna ukhupipis; imaynatachus noqaykupis qankunata munakuyku, ajinata.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

1 Pedro 2:17

Tukuyta jatumpaj qhawaychej. Hermanosta munakuychej. Diosta manchachikuychej. Reytataj allimpaj qhawaychej.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

1 Juan 3:11

Kaymin qallariymantapacha uyarisqaykichej willayqa: Ujkuna ujkunawan munanakunanchej.

Filipenses 1:9

Kaytataj mañani Diosmanta, munakuyniykichej astawan ashkhayanampaj, astawanqa yachaypi, tukuy ima rejsiypitaj.

Efesios 4:3

Espiritupi ujlla kayta, k'uchi kaywan waqaychaychej, sonqo tiyakuytawan khuska.

Gálatas 5:5

Noqaykoqa Espiritunejta, fenejtataj suyayku, Dios mana juchayojta jina rikhurichinawaykuta.

Apocalipsis 2:4

Chaywampis, noqajta uj ima tiyan contraykipi, ñaupaj kaj munakuyniykita saqerpayasqaykimanta.

1 Pedro 4:17

P'unchay chayamunña. Juiciotaj Diospa wasinmanta qallarikunan tiyan. Juiciochus noqanchejmanta qallarikonqa chayqa, Diospa evangelionta mana kasojkuna, imapitaj tukukonqankuri?

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

2 Corintios 6:6

Rikuchispa llimphus kasqaykuta kausayniykupi, cheqa kajta rejsisqaykurayku, pacienciakuspa, khuyakuywantaj, Santo Espiritupi tukuy sonqo munakuypi.

San Juan 15:17

Kayta kamachiykichej: Purajmanta munanakunaykichejta.

1 Pedro 3:1

Ajinallatataj, qankunapis warmis, qosasniykichejta kasuychej; ajinamanta Diospa palabrampi mana creejkunapis, warmisninkoj sumaj kausayninta rikuspa, mana palabrallawan Señorman kutirinankupaj; ajinallatataj rikuspa, llimphu puriyniykichejta, Diosta manchachikusqaykichejtawan.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

2 Timoteo 1:14

Noqanchejpi tiyakoj Santo Espiritunejta tukuy nisusqayta waqaychay.

1 Timoteo 5:2

Paya warmitapis mamaykita jina yuyaychay, sipaskunatapis llimphu sonqowan hermanosniykita jina yuyaychay.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

1 Timoteo 1:3

Macedoniaman rishaspa nerqaykiña Efeso llajtapi qhepakunaykita, kamachinaykipaj wakinkunata ama waj jina yachachiykunata yachachinankupaj.

2 Tesalonicenses 2:13

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

Gálatas 3:1

Ya, mana yuyayniyoj Gálatas! Pitaj ch'aukiyasorqachej cheqa kajta mana kasunaykichejpajri? Qankuna ukhupi ñawiykichej rikushajtin, sut'ita Jesucristoj chakatakusqanmanta willarqayku.

Gálatas 5:7

Qankunaqa walejllata risharqankichej. Pitaj pantachisorqachej cheqa kajta mana kasunaykichejpajri?

Romanos 8:13

Aychaj munayninman jinachus kausankichej chayqa, wañunkichej. Chantá Espiritunejtachus aychaj ruwanasninta wañuchinkichej chayri, kausankichej.

Romanos 2:8

Churanakojkunapaj, cheqan kajta mana kasojkunapaj, mana allin kajta ruwajkunapaj ima, phiñakuy, manchay chejninakuytaj kanqa.

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

San Juan 17:17

Paykunata llimphuchay cheqa kajpi; palabraykeqa cheqapuni.

San Juan 15:3

Qankunaqa llimphuchasqasña kankichej, parlarqaykichej chay palabrarayku.

Hechos 6:7

Ajinamanta Diospa palabran wiñasharqa, yachachisqastaj maytapuni ashkhayarqanku Jerusalén llajtapi.

San Juan 17:19

Paykunarayku noqa kikiyta qanman entregakuyki, paykunapis cheqa kajpi qanman entregakusunankupaj.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

1 Pedro 3:20

Chaykunataj ñaupa p'unchaykunapi, mana kasukoj karqanku. Noéj p'unchaynimpi, Diosqa jatun pacienciawan paykunata suyarqa arca ruwakushajtin. Chaypachataj pisi runas yakumanta salvasqas karqanku, tukuyninkutaj pusajlla karqanku.