1 Pedro 1:15 - Qheshwa Biblia DC

¹⁵ Imaynatachus qankunata wajyaj Diosqa santo, ajinallatataj qankunapis santos kaychej, tukuy kausakuyniykichejpi.

DIOSPA QHELQACHISQAN DEUTEROCANONICAL

¹⁵ Aswanpis qankuna juchamanta t'aqasqa jina allinta puriychej, imaraykuchus qankunata wajyaj Diosqa may llimphumin.

DIOSPA QHELQACHISQ

¹⁵ Aswanpis qankuna juchamanta t'aqasqa jina allinta puriychej, imaraykuchus qankunata wajyaj Diosqa may llimphumin.

Quechua South Bolivia: Dios Parlapawanchej

¹⁵ Manachayrí Diosman t'akaska chekanta causacuychej Dios wajyasuskayquichejmanjina. Payka tucuy cayninpi santomin. Ajinallataj kancunapis tucuy causayniyquichejpi santo caychej.

1 Pedro 1:15 Referans Kwoze

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Santiago 3:13

Qankunamanta mayqellampis yachayniyoj kanman chayqa, rikuchichun sumaj kausayninta, llamp'u sonqowan yachayninman jina.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Tito 3:14

Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

Filipenses 3:20

Llajtanchejqa janaj pachapi kashan, maymantachus suyashanchej. Salvadorninchej Señor Jesucristo jamunanta.

Filipenses 3:14

Ñaupajman rishani chayanaman chayanaykama t'inkata jap'inaypaj, patamanta Dios wajyawarqa Cristo Jesuspi, chayman.

Apocalipsis 6:10

Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.