1 Pedro 1:12 - Qheshwa Biblia DC

¹² Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

DIOSPA QHELQACHISQAN DEUTEROCANONICAL

¹² Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

DIOSPA QHELQACHISQ

¹² Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

Quechua South Bolivia: Dios Parlapawanchej

¹² Diosrí paycunaman reparacherka kancunata yanapanancupaj sut'inchaskancuta. Manataj paycunapajchu carka. Astawanpis cay tiempopi sumaj willanasta uyarerkanquichej. Diosmanta cachamuskan Santo Espíritoj atiyninwan willajcunaka kancunaman chayta willasorkachej. Angelespis chay sumaj willanasta mayta entiendeyta munancu.

1 Pedro 1:12 Referans Kwoze

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

Efesios 3:10

Diospa tukuy imaymana yachaynin, kunan rejsichisqa kachun iglesiasnejta kamachejkunaman, janaj pachapi atiyniyojkunamampis.

1 Corintios 2:10

Chay imastaqa Dios rejsichiwanchej Espiritunnejta; imaraykuchus Espiritoqa allinta rejsin tukuy imata, Diospa may ukhu yachaynintapis.

Hebreos 4:2

Paykunaman jina, noqanchejman evangeliota willawarqanchej; chaywampis, uyarisqankoqa paykunapaj mana allimpajchu karqa, mana feniyoj uyarisqankurayku.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

1 Pedro 1:25

Señorpa palabranqa wiñaynintimpaj kanqa. Kaytaj chay palabra, evangelionejta qankunaman willasqa.

Apocalipsis 5:11

Chantá qhawarqani, uyarerqanitaj ashkha angelespa parlayninta, chay animalespatapis, kuraj runaspatapis tronoj muyuynimpi. Paykunaqa waranqa waranqa karqanku.

2 Corintios 6:6

Rikuchispa llimphus kasqaykuta kausayniykupi, cheqa kajta rejsisqaykurayku, pacienciakuspa, khuyakuywantaj, Santo Espiritupi tukuy sonqo munakuypi.

2 Corintios 1:22

Payllataj sellaykuwanchej, qowanchejtaj Santo Espirituta uj señata jina sonqonchejpi.

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

Hechos 2:33

Ajinamanta Jesusqa Diospa pañanman oqharisqa karqa. Paytaj Santo Espirituta Diospa nisqanman jina jap'erqa. Chaytataj chayacherqa imaynatachus rikushankichej, uyarishankichej jina.

Daniel (hebreo) 12:13

Qantaj, Daniel, purillaypuni tukukuykama, chanta samarikunkitaj. Qhepa p'unchaykunapitaj jatarikunki t'inkaykita jap'ikapunaykipaj.

Daniel (hebreo) 12:9

Paytaj kutichiwarqa: Daniel, ñanniykita rillaypuni, kay imasqa pakayllapirajpuni kanqanku, tukuykuy p'unchay chayamunankama.

Hebreos 2:4

Diospis paykunawan khuska willallarqataj jatun rikuchinaswan, milagroswan, imaymana atiykunawan ima; ajinallatataj Santo Espíritoj atiyninwan, munayninman jina.

Gálatas 1:16

Diosqa rejsichiwarqa Churinta, paymanta gentilespa chaupimpi willanaypaj; chaypachataj mana pi runatapis tapurikorqanichu.

Gálatas 1:12

Noqaqa evangeliota mana jap'erqanichu nitaj yachakorqanichu pi runamanta, manachayqa Jesucristo sut'inchawasqanrayku yachakorqani.

Romanos 10:15

Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!

Romanos 1:17

Evangeliopeqa Diospa justician fenejta rikuchikun, fepajtaj; imaynachus escribisqa kasqanman jina: Cheqan runaqa fenejta kausanqa.

San Lucas 15:10

Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

Amós 3:7

Señorqa manamin imatapis ruwanchu manaraj imatapis ñaupajta profetasninman willaspaqa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

1 Tesalonicenses 2:9

Yuyarikuychej, hermanos, ruwasqaykumanta, sayk'usqaykumanta, tuta p'unchay llank'aspa; manataj mayqenniykichejpajpis carga jinachu karqayku, Diospa evangelionta qankunaman willashaspaqa.

San Lucas 9:6

Chaymanta llojsispataj, rerqanku tukuy ranchosta, salvacionmanta willaspa, tukuynejpitaj onqosqasta thañichispa.

San Lucas 2:26

Chay Santa Espiritutaj willarqa manaraj wañupushaspa Diospa kachamusqan Cristota rikunanta.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Daniel (hebreo) 10:1

Persiamanta kaj Ciro, kinsa watataña rey kashajtin, Daniel Beltsasar nisqa, uj palabrata uyarisqa; chay palabrataj cheqapuni karqa. Imatachus niyta munasqataj mana yachayta atinapaj jinachu karqa. Chay tukuywampis, Danielqa, sumajta chay palabrastaqa unancharqa, yacharqataj imatachus niyta munasqanta.

Daniel (hebreo) 8:13

Chay qhepata uyarerqani, uj angelqa waj angelta tapurishajta: Mayk'ajtaj tukukonqa sapa p'unchay jaywana altarpi rikukushan chayrí? Mayk'ajkamataj kanqa kay millay jucharí? Mayk'ajkamataj Señorpa wasinta, chanta, Señorpi creejkunatawan saronqankuri?, nispa.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Daniel (hebreo) 2:22

Dios sut'ita rikuchin pakaypi kaj imasta, mana yachay atina imastapis. Laqhapi kaj imastapis pay rikun. K'anchayqa paypimin kashan.

Daniel (hebreo) 2:19

Chay tutapi Danielman, chay mana yachay atina pakasqa mosqoyqa sut'inchasqa karqa uj rikuypi, chaymanta janaj pachapi kaj Diosta Daniel yupaycharqa, kay palabraswan: Diospa sutenqa wiñaynintinkama yupaychasqa kachun, imaraykuchus yachayqa, atiypis paypata kanku.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Éxodo 25:20

Chaykunaqa kirpana patapi purajmanta qhawarinasqas kanqanku, lijrasninkuwan chay cajonta ujllaykoj jina, uyasninkupis chay qhawarisqas.

Hebreos 11:13

Creespa tukuyninku wañuporqanku, chay Diospa qonan kasqanta manaraj jap'ishaspa; astawanqa karullamanta chay imasta qhawaspa, creespa, napaykuspataj; ajinamanta, kay pachapi purej runas jina, mana llajtayoj kasqankuta rejsicherqanku.

Isaías 53:1

Mana pipis creenchu kay willasqaykutaqa; manallataj pipis Señorpa atiynintaqa repararqachu.

Romanos 1:15

Noqamantaqa wakichisqaña kani, usqhayta jamuspa evangeliota willanaypaj, qankuna Romapi tiyakojkunamampis.

Hechos 16:10

Chay mosqoypi jina Pablo rikusqanrayku, wakichikorqaykupacha Macedoniaman rinaykupaj. Chay mosqoynejta yacharqayku Dios wajyasqanta paykunaman evangeliota willanaykupaj.

Hechos 10:44

Pedro parlashajtillanraj, Santo Espíritu tukuynin uyarejkunaman uraykamorqa.

Hechos 8:25

Pedrowan, Juanwan Señorpa palabranta willasqankumanta, Jerusalenman kutiporqanku. Ñanta rej jinataj, Samariaj ranchosnimpi evangeliomanta willarqanku.

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

Hechos 4:8

Pedrotaj Espíritu Santowan junt'a kaspa nerqa: Israelpi kamachejkuna, kurajkuna ima.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

1 Pedro 4:6

Chayrayku wañusqasman evangelio willasqa karqa, aychapi kashaspa juzgasqa kanankupaj, runasman jina; Diospa munayninman jinataj, espiritupi kausanankupaj.