1 Pedro 1:10 - Qheshwa Biblia DC

¹⁰ Chay salvaciontaqa profetas mayta mask'arqanku, tapuykacharqankutaj. Paykunaqa Diospa khuyakuyninmanta willarqanku, qankunapaj chay salvacionta wakichisqanta.

DIOSPA QHELQACHISQAN DEUTEROCANONICAL

¹⁰ Diosmanta sut'inchajkunaqa qhespichisqa kanamanta allinta yachayta munaspa, watorqanku. Parlallarqankutaj, Dios qhasilla k'acha yanapayninpi imatachus qankunaman qonasuykichej kasharqa, chaymantapis.

DIOSPA QHELQACHISQ

¹⁰ Diosmanta sut'inchajkunaqa qhespichisqa kanamanta allinta yachayta munaspa, watorqanku. Parlallarqankutaj, Dios qhasilla k'acha yanapayninpi imatachus qankunaman qonasuykichej kasharqa, chaymantapis.

Quechua South Bolivia: Dios Parlapawanchej

¹⁰ Diospa unay willajcunan paypa c'acha yanapayninmanta sut'incharkancu. Imaynata chaywan juchayquichejmanta cachariskas canayquichejta mayta entiendeyta munaspa yachanancupajpuni churacorkancu.

1 Pedro 1:10 Referans Kwoze

San Mateo 13:17

Cheqamanta niykichej: Ashkha profetas, allin runaspis, rikuyta munarqanku imatachus rikusqaykichejta, manataj rikorqankuchu. Munallarqankutaj uyariyta imatachus uyarishankichej chayta, nillataj uyarerqankuchu.

San Lucas 10:24

Ashkha profetas, reyes ima rikuyta munarqanku qankunaj rikusqaykichejta, manataj rikorqankuchu; uyarisqaykichejtapis uyariyta munarqanku, nillataj uyarerqankuchu.

Hechos 7:52

Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

San Juan 5:39

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Hebreos 11:13

Creespa tukuyninku wañuporqanku, chay Diospa qonan kasqanta manaraj jap'ishaspa; astawanqa karullamanta chay imasta qhawaspa, creespa, napaykuspataj; ajinamanta, kay pachapi purej runas jina, mana llajtayoj kasqankuta rejsicherqanku.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Zacarías 6:12

Niytaj: Tukuy Atiyniyoj Señor nillantaj, chay wiñashan nisqa qhareqa kikin saphisninmanta p'utumunanta, Señorpa yupaychana wasintataj jatarichinanta.

San Juan 7:52

Chaymantaj paykuna kuticherqanku: Galileamantachu qampis kanki? Escribisqapi allinta qhaway, chaypi allinta yachanki Galileamanta ni pi profeta jatarisqanta. [

San Lucas 24:44

Chaymantataj nerqa: Kayta nerqaykichejña qankunallawanraj kashaspa, junt'akunampuni kasqanta chay tukuy, noqamanta escribisqa kajkuna Moisespa leynimpi, profetaspapi, salmospi ima.

San Mateo 26:24

Cheqamanta Runaj Churenqa rishan wañuyman, paymanta escribisqaman jina. Ay jaqay runamanta, piraykuchus Runaj Churin jap'ichisqa kanqa! Walej kanman karqa chay runapajqa, ama nacinan.

Proverbios 2:4

Sichus qolqeta jina mask'awaj, qolqe p'ampasqata jinataj chayqa,

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

1 Pedro 1:11

Chantá allinta qhawarqanku pichus, mayk'ajtajchus kananta. Paykunapi kaj, Cristoj Espirituntaj, ñaupajmantapacha willarqa Cristoj ñak'arinasninmanta, jatuchaj yupaychanas qhepankuta jamunanmanta ima.

Hechos 17:11

Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan.

Hageo 2:7

Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

Hebreos 11:40

Diosqa aswan allin imasta noqanchejpaj wakichisharqa; mana noqanchejwan khuskarí, paykunapis mana allinchasqa kayta aterqankuchu.

Daniel (hebreo) 9:3

Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

1 Pedro 1:13

Chayrayku, allinta yuyayniykichejta wakichiychej, maychus kajtataj kausakuychej. Tukuy suyayniykichejtataj churaychej chay khuyakuypi; mayqentachus Dios Tata qosonqachej, Jesucristoj rikhurimuynimpi.