1 Juan 5:6 - Qheshwa Biblia DC

⁶ Kaymin yakuwan, yawarwan jamoj Jesucristoqa. Manataj yakullawanchu jamorqa, astawanqa yakuwan, yawarwan ima. Kay imasmanta kikin Espíritu willawanchej; imaraykuchus Espiritoqa cheqa kajmin.

DIOSPA QHELQACHISQAN DEUTEROCANONICAL

⁶ Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

DIOSPA QHELQACHISQ

⁶ Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

Quechua South Bolivia: Dios Parlapawanchej

⁶ Jesucristoka jamorka Diosmanta munayninta ruwananpaj yacunejta yawarnejtawan. Santo Espiritutaj chay imasmanta sut'ita willan cheka caj caskanraycu.

1 Juan 5:6 Referans Kwoze

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 16:13

Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

Hebreos 12:24

Astawanqa qayllaykunkichej Jesusman mosoj tratopi allinyachejman, chay ch'ajchusqa yawarmantaj. Chayqa Abelpa yawarninmanta nisqaqa, aswan allintaraj parlan.

Marcos 14:24

Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

San Lucas 22:20

Jinallatataj, cenaytawankama copata oqharispa nerqa: Kay copaqa yawarniypi mosoj tratomin, qankunarayku jich'asqa kanqa.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Levítico 17:11

Imaraykuchus tukuy kausajpataqa yawarnimpi kausaynin kashan. Noqa kamachiykichej yawarta altarman ch'ajchumunaykichejta juchasniykichej perdonasqa kanampaj. Yawarqa kausaymin, chaynejta juchasqa pampachasqas kanku.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

San Juan 6:55

Aychayqa cheqa mikhunamin, jinallataj yawarniypis cheqa ujyana.

San Juan 4:10

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

San Juan 3:5

Jesús kutichillarqataj: Cheqamanta, cheqamanta niyki, pillapis mana yakumanta, Espiritumantawan nacinmanchu chayqa, Diospa reinonman mana yaykuyta atinchu.

Zacarías 9:11

Kayta nin Señor: Jerusalén, yawarniykipi tratoykirayku, ch'aki pujyumanta wijch'usqa, chay presosniykita noqa orqhosaj.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Hebreos 9:7

Iskay kajmanrí, jatun sacerdotella uj kutita sapa wata yawarwan yaykoj, mana yawarwanqa mana. Chaytataj paypa juchasninrayku, runaspa juchasninraykutaj jaywaj.

Romanos 3:25

Payta Dios churarqa wañuyninwan allinyachinampaj, fenejta yawarnimpi. Ajinapi pacienciawan cheqa kayninta rikucherqa, pampacharqataj tukuy ñaupaj juchasta.

Hechos 8:36

Ñanta rishaspataj chayarqanku maypichus yaku karqa chayman. Eunucotaj Felipeman nerqa: Qhawariy kaypi yaku kasqa, atikunmanchu noqa bautizachikunayqa? [

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

1 Juan 4:10

Kaymá chay munakoyqa. Manaraj Diosta munakushajtinchej, payqa munakuwarqanchejña. Churintataj kachamorqa wañunampaj juchasninchejrayku.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

San Mateo 3:16

Jesús bautizachikuytawan yakumanta llojserqa. Cielotaj kicharikorqa, rikorqataj Diospa Espiritunta paypa patanman paloma jina uraykamushajta.