1 Juan 4:9 - Qheshwa Biblia DC

⁹ Kay jinamanta Diosqa munakuyninta rikuchiwarqanchej: Uj k'ata Churinta kachamusqampi paynejta kausananchejpaj.

DIOSPA QHELQACHISQAN DEUTEROCANONICAL

⁹ Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

DIOSPA QHELQACHISQ

⁹ Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

Quechua South Bolivia: Dios Parlapawanchej

⁹ Dios c'ata Wawanta cay pachaman cachamorka paynejta wiñay causayniyoj cananchejpaj. Ajinapi yachanchej pay munacuwaskanchejta.

1 Juan 4:9 Referans Kwoze

San Juan 3:16

Diosqa chay jinatapuni mundota munakusqanrayku, uj k'ata Churinta qorqa. Ajinamanta pillapis paypi creejqa, mana chinkayman renqachu; astawanqa wiñay kausayniyoj kanqa.

1 Juan 5:11

Kaytaj chay willayqa: Dios wiñay kausayta qowasqanchej, kay wiñay kausaytaj Churimpi kashan.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

San Juan 6:57

Imaynatachus kausaj Tata kachamuwarqa, paynejtataj kausani; ajinallatataj noqata mikhuwajqa noqanejta kausanqa.

1 Juan 4:10

Kaymá chay munakoyqa. Manaraj Diosta munakushajtinchej, payqa munakuwarqanchejña. Churintataj kachamorqa wañunampaj juchasninchejrayku.

1 Juan 3:16

Jesucristo kausayninta noqanchejrayku qorqa, chaypitaj munakuyninta rejsinchej. Ajinata noqanchejpis wauqesninchejrayku kausayninchejta qonanchej tiyan.

San Juan 10:10

Suwaqa jamun suwanallampaj, wañuchinampaj, chinkachinampajtaj. Noqarí jamuni kausayniyoj kanankupaj, aswan junt'a kausayniyoj kanankupajtaj.

San Juan 6:51

Noqa janaj pachamanta uraykamoj t'antaqa kani. Pillapis kay t'antamanta mikhojqa, wiñaypaj kausanqa. Noqa qosaj chay t'antaqa aychay; chayta qoni mundo kausanampaj.

San Juan 3:18

Pillapis paypi creejqa mana juchachasqachu; mana creejrí ñapis juchachasqaña, Diospa k'ata Churimpa sutimpi mana creesqanrayku.

Hebreos 1:5

Ajina kajtenqa, mayqen angelesmantaj Dios jayk'ajpis nerqa: Qan Churiy kanki. Kunan p'unchay yumarqayki, nispa? Ujtawan nillarqataj: Noqa paypa tatan kasaj, paytaj churiy kanqa, nispa.

San Juan 8:42

Chaypacha Jesús nerqa: Cheqamantachus tataykichej Dios kanman chayqa, noqata munakuwankichejman. Diosmanta kay pachaman jamorqani; manataj sapallaymantachu, manachayqa Dios kachamuwarqa.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

Marcos 12:6

Tukuypa qhepantataj, may munasqa churintañataj kacharqa llank'ajkunaman: Churiytaqa respetanqanku, nispa.

1 Juan 4:16

Noqanchej rejsinchej, creenchejtaj Dios munakuwasqanchejta. Diosqa munakuymin. Munakuypi kajqa Diospi kashan, Diostaj paypi.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

San Juan 6:29

Jesustaj paykunaman kuticherqa: Kaymin Diospa ruwaynenqa; kachamusqan Churimpi creenaykichej.

San Juan 8:29

Kachamuwaj Tatayqa noqawan kashan, mana sapayta saqerpayawanchu. Paypa munaynillanta ruwani.

Salmos 2:7

Tukuymantaj willasaj Señorpaj kamachisqanta. Payqa niwan: Qanqa waway kanki, kunan noqa kausayta qoyki.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

San Juan 9:3

Jesustaj kuticherqa: Mana paychu juchallikorqa, nitaj tatasninchu, astawanqa chay jina nacerqa, Diospa ruwanasnin paynejta rikuchisqas kanankupaj.

1 Juan 5:13

Kay imasta escribimuykichej, Diospa Churimpi creesqaykichejrayku, yachanaykichejpaj wiñay kausayniyoj kasqaykichejta.