1 Juan 2:1 - Qheshwa Biblia DC

¹ Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

DIOSPA QHELQACHISQAN DEUTEROCANONICAL

¹ Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

DIOSPA QHELQACHISQ

¹ Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

Quechua South Bolivia: Dios Parlapawanchej

¹ Cristopi munaska wawasníy, caycunata kelkamushayquichej ama ni imapi juchallicunayquichejpaj. Wajjinamantarí pipis juchallicunman chayka, Yuyaychawajninchej Jesucristo tiyan Dios Tatanchejwan cusca. Payllamin cheka cajka, nokanchejman sayacuwajninchej.

1 Juan 2:1 Referans Kwoze

1 Timoteo 2:5

Uj k'ata Dios tiyan, jinallataj Dioswan runakunata allinyachejpis uj k'atalla, chaytaj Jesucristo runa.

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

1 Juan 4:4

Wawitasníy, qankunaqa Diosmanta kankichej, paykunatataj atiparqankichej, imaraykuchus qankunapi kajqa astawan atiyniyoj kay pachapi kajmanta nisqaqa.

1 Juan 3:18

Wawitasníy, ama simillawanchu munanakusun, astawanqa ruwanawan, cheqa kajwantaj.

1 Juan 3:7

Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

San Juan 8:11

Warmitaj nerqa: Mana mayqempis, Señor. Jesustaj payman nerqa: Noqapis mana juchachaykichu; kunanqa ripuy, amataj ujtawan juchallikunkichu.]

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

1 Juan 3:5

Yachankichej jina, Jesucristoqa jamorqa juchasninchejta chinkachinampaj; manataj paypeqa ni ima jucha kanchu.

Efesios 2:18

Paynejta judiospis, mana judiospis uj Espiritunejta Dios Tataman yaykusunchej.

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

Ezequiel 3:21

Cheqanta kausashaj runatachus reparachispa k'amiykunki ama juchallikunanta; manataj pay juchallinmanchu chayqa kausallanqapuni, imaraykuchus reparachisqaykita kasukorqa, qantaj kausayniykita salvanki.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Efesios 4:26

Phiñakuspaqa, ama juchallikuychejchu, nitaj phiñasqa kashajtiykichejpis inti yaykupuchunchu.

Gálatas 4:19

Wawasníy, qankunarayku ujtawan ñak'arini nanaykunawan uj onqoj warmi jina; Cristo jina kanaykichejkama.

San Juan 10:15

Imaynatachus Dios Tata rejsiwan, ajinallatataj noqapis payta rejsini; kausayniytataj ovejasrayku churani.

San Juan 5:36

Juampa willasqanmanta aswan sumaj willajniy tiyan; Dios Tata ruwanasta qowarqa junt'anaypaj, chaykunata ruwashani; chay ruwasqasniytaj willashanku Dios Tata kachamuwasqanta.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

1 Pedro 2:22

Cristoqa mana jayk'ajpis juchallerqachu, nitaj llulla parlaypis simimpi tarikorqachu.

1 Corintios 15:34

Qankuna rijch'ariychej sumaj cheqan kausayman, amataj juchalliychejchu; imaraykuchus wakin qankunamanta Diosta mana rejsinkuchu. Kayta nini qankuna p'enqakunaykichejpaj.

San Juan 5:14

Jesustaj chay runata templopi tariparqa, nerqataj: Thañisqaña kanki; amaña astawan juchallikuychu, amaña imapis astawan jamusunampaj.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Salmos 4:4

Manchachikuychej, amataj juchallikuychejñachu. Puñoj rishajtiykichej sonqoykichejpi ch'inmanta unanchakuychej.

1 Juan 5:21

Wawitasníy, qhasi mana kaj dioskunamanta allinta qhawakuychej.

Santiago 3:9

Kay kikin qallullawantaj yupaychanchej Señorninchej Dios Tatanchejta. Chayllawantaj maldicinchej runa masisninchejta. Runasqa Diospa rijch'ayninman jina ruwasqas kanku.

Romanos 6:15

Chantaqa, juchallikusunchu mana leypa kamachiynimpi kaspa, Diospa khuyakuynimpi kasqanchejrayku? Chayqa mana jinachu.

San Juan 13:33

Wawitasníy, pisillantaña qankunawan kasaj, mask'awankichejtaj. Judiosman nerqani ajinallatataj qankunamanqa niykichej: Maymanchus noqa rishani, chayman riyta mana atinkichejchu.

1 Timoteo 3:14

Kayta escribimuyki, usqhayta jamuyta munaspa qanta watukoj.

San Juan 21:5

Jesustaj paykunaman nerqa: Waynas, imallapis kapusunkichejchu mikhunapaj? Paykunataj nerqanku: Mana kapuwaykuchu.

San Juan 14:16

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

Hechos 7:52

Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

1 Juan 5:17

Tukuy mana cheqan kajta ruwayqa jucha. Chaywampis, tiyallantaj wañuyman mana apaj jucha.

3 Juan 1:4

Mana imapis astawan kusichiwanchu, wawasniy cheqapi purishasqankuta uyarisqaymantaqa.