1 Juan 1:8 - Qheshwa Biblia DC

⁸ Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

DIOSPA QHELQACHISQAN DEUTEROCANONICAL

⁸ Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

DIOSPA QHELQACHISQ

⁸ Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

Quechua South Bolivia: Dios Parlapawanchej

⁸ Mana juchallicuskanchejta nisunman chayka, pantacunchej. Nitaj Diospa cheka niskan sonkonchejpi tiyacunchu.

1 Juan 1:8 Referans Kwoze

Romanos 3:23

Tukuy runas juchallikusqanrayku, Diospa janaj pacha k'anchayninmanta t'aqasqas kanku.

Santiago 3:2

Tukuyninchej ashkha kutita pantanchej. Pichus mana pantanchu parlasqampi chayqa, chaymá sumaj runaqa. Paytaj atinman tukuy cuerponwan kasuchikuyta.

Eclesiastés 7:20

Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

1 Juan 2:4

Pillapis Diosta rejsini ninman, kamachisqasnintataj mana kasunmanchu chayqa, llullaqa. Manataj cheqa kaj paypichu kashan.

1 Juan 1:10

Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.

Proverbios 20:9

Ni pipis niyta atinchu: Noqaqa llimphu sonqoyoj kani, mana ima juchayojtaj nispaqa.

Job 15:14

Imataj runa kasqa mana juchayojpuni kanampajri? Uj warmimanta nacesqa runaqa, imaynatataj cheqan kanmanri?

Gálatas 6:3

Pipis ima kasqanta yuyakun chayqa, mana imapis kashaspa, pay kikinta ch'aukiyakun.

Isaías 64:6

Tukuyniyku millay ch'ichis kayku, tukuy ima ruwasqaykupis millay ch'ichi thanta jina. Noqaykoqa sach'a laqhes jina t'akakuyku, sajra ruwasqasnillaykutaj wayra jina apawayku.

Salmos 143:2

Ama juicioman wajyaychu kamachiykitaqa, ñaupaqeykipeqa mana pipis mana juchayojqa kanchu.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

1 Timoteo 6:5

Kallantaj sajra runaspa qhasi mana kaj churanakuynin. Paykunaqa cheqa kajta mana rejsinkuchu, yuyankutaj Diosta yupaychayqa qolqeta jap'inallapaj kasqanta. [Paykunamanta karunchakuy.]

Job 25:4

Runaqa atinmanchu mana juchayoj, llimphu ch'uyataj kayta Diospa ñaupaqempi? Imaynatataj uj warmimanta nacejqa llimphu kayta atinmanri?

1 Reyes 8:46

Sichus contraykipi juchallinkuman, imaraykuchus mana kanchu uj runallapis mana juchallejqa, paykunaj contrankupi phiñakuspataj enemigosninkoj makisninkuman paykunata jaywaykuwaj, presosta waj llajtaman apanankupaj, karuman kajtin qayllaman kajtimpis.

1 Corintios 3:18

Amataj qan kikiykita ch'aukiyakuychu; pillapis kay pachapi qankuna ukhupi yuyanman yachayniyoj kasqanta chayqa, mana yachayniyojman tukuchun, cheqamanta yachayniyoj kanampaj.

Job 14:4

Pitaj chay jina ch'ichimanta llimphuchanmanri? Ni pipis atinchu.

2 Crónicas 6:36

Contraykipi juchallejtinkoqa, manamin pipis mana juchallejqa kanchu, qantaj paykunawan phiñakuspa, enemigosninkuman jaywaykuspa waj jallp'aman apachiwaj, karumampis, chayri qayllamampis.

2 Juan 1:2

Qankunata munakuykichej, sonqonchejpi kashan cheqa kajrayku, chaytaj wiñaypaj noqanchejwan kanqa.

1 Juan 1:6

Dioswan ujlla kanchej nisunman, laqhapitaj purisunman chayqa, noqanchejqa llullakunchej, manataj cheqa kajtachu ruwanchej.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

Job 9:2

Cheqamanta noqaqa yachani chayqa ajinapuni kasqanta; runaqa Diospa ñaupaqempi manapuni niyta atinchu mana juchayoj kasqanta.

3 Juan 1:3

Maytapuni kusikorqani, maypachachus hermanos jamuspa willawarqanku allinta kausakusqaykita, cheqapitaj purishasqaykita.

2 Pedro 2:13

Chay t'inkatataj jap'inku mana cheqan kajta ruwasqankumanta. Paykunaqa misk'ichikunku, sapa p'unchaypa kusiyninwan. Chaykunaqa millay, ch'ichitaj kanku. Qankunawan khuska mikhushaspa, pantasqa ruwasqasninkupi kusikunku.

Jeremías 2:35

Chaywampis, qan ninki: Noqaqa mana juchayojchu kani. Chayrayku Diosqa manaña phiñasqachu noqawan kashan, nispa. Qan ninki mana juchayoj kasqaykita, chayrayku qanwan demandata oqharisaj.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

Levítico 13:12

Sichus lepra nisqa onqoyqa runaj tukuy ukhunta junt'aykun chakisninmanta umankama sacerdotej rikusqanman jina chayqa, chaypacha sacerdoteqa payta qhawanqa.

2 Reyes 20:15

Isaiastaj watejmanta tapullarqataj: Imatataj wasiykipi rikunkuri? Ezequiastaj kuticherqa. Paykunaqa wasiypi tukuy imasniyta rikunku, tukuy waqaychasqasniymanta mana imapis qhepakunchu mana rikusqankoqa.