1 Corintios 6:11 - Qheshwa Biblia DC

¹¹ Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

DIOSPA QHELQACHISQAN DEUTEROCANONICAL

¹¹ Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

DIOSPA QHELQACHISQ

¹¹ Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Quechua South Bolivia: Dios Parlapawanchej

¹¹ Chayjina carkanquichej waquin kancunamanta. Cunanrí juchayquichejmanta mayllaskasña canquichej. Diosmanpis t'akaskasña. Chaywanpis chekanchaskasña canquichej Señor Jesucristoj sutinpi Diosninchejpa Espiritunpipis.

1 Corintios 6:11 Referans Kwoze

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

Hechos 22:16

Kunanqa, imatataj suyanki? Jatirispa bautizachikuy, juchasniykimanta llimphuchakuy Jesuspa sutinta oqharispa.

Romanos 8:30

Pikunatachus qallariypi ajllarqa chaykunatapis wajyallarqataj. Chay wajyasqastataj cheqan runaspaj rejserqa, ajinata rejsispataj paykunaman janaj pacha k'anchayta qorqa.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

Efesios 5:26

Kayta Cristo ruwarqa juchamanta t'aqaspa, palabranwan mayllaspataj llimphucharqa yakuwan jina.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

Romanos 8:33

Pitaj Diospa ajllasqasninta ch'ataykunmanri? Dioslla mana juchayojta rikhurichin.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.

2 Tesalonicenses 2:13

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

Hechos 13:39

Chay tukuy imasmanta Moisespa leynimpi, cheqan runapaj mana rejsisqas kayta aterqankichejchu; kunanqa chaykunamanta Jesuspi creejqa salvasqa kashan.

Gálatas 3:11

Chay leynejta mana Diospajqa cheqan runachu, imaraykuchus cheqan runaqa, fenejta kausanqa.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Gálatas 2:16

Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.

1 Corintios 12:2

Qankuna yachankichej, gentilesllaraj kashaspa, chay copa lantikunaman pusachikoj kankichej.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Salmos 51:7

Hisopowan mayllaway, llimphu sonqoyojtaj kasaj. Mayllaway Señor, rit'imanta aswan yurajtaj kasaj.

Salmos 51:2

Sajra kayniyta mayllaway. Juchasniymanta llimphuchaway.

Hebreos 2:11

Llimphuchajqa llimphuchasqaswan uj kikinmanta kanku; chayrayku mana p'enqakunchu paykunata hermanos, niyta.

Gálatas 3:24

Ajinaqa ley uywaqeyku karqa, Cristoman pusanawaykupaj, Diospajtaj fenejta cheqan runas kanaykupaj.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

Romanos 3:24

Diospa khuyakuyninrayku, qhasimanta cheqan runaspaj qhawasqas kanku, Cristo Jesusnejta salvación kasqanrayku.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Isaías 45:25

Señorllapi tukuypi llimphuchasqas kanqanku. Chaypacha Israelpa miraynenqa mayta kusikonqanku.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Gálatas 3:8

Escriturapis ñaupajmanta yachaspa, Dios gentilesta fenejta runasnimpaj qhawasqanta, kay sumaj willayta Abrahammanña qorqa, nispa: Qampi tukuy runas bendicisqas kanqanku.

Romanos 4:5

Pichus mana ruwanchu, creentaj, juchasapata mana juchayojta rikhurichejpi chayqa, chay fenin paypaj yupakun, mana juchayoj rikhurinampaj.

Isaías 1:16

Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

San Lucas 18:14

Kunanqa niykichej, kay impuestero wasinman kutiporqa juchasninmanta pampachasqa, fariseotaj mana. Jatunchakojqa p'enqaypi rikhurenqa; k'umuykukojtajrí jatunchasqa kanqa.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

San Juan 13:10

Jesús payman nerqa: Pichus mayllasqa kashan chayqa, tukuy ukhun llimphuña, chakisnillanta mayllana tiyan. Qankunaqa llimphuña kankichej, manapis tukuyniykichejchu.

Levítico 8:6

Chaymantataj Moisesqa Aaronman, wawasninmanwan nerqa payman qayllanankuta. Qayllajtinkutaj paykunata yakuwan mayllarqa.

San Juan 13:8

Pedrotaj nerqa: Mana jayk'ajpis chakisniyta mayllawankichu. Jesustaj kuticherqa: Manachus mayllasqayki chayqa, mana noqawan chayaqeyojchu kanki, nispa.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

1 Juan 2:12

Wawitasníy, qankunaman escribimuykichej, juchasniykichejqa pampachasqaña kanku Jesucristo sutinnejta.

Levítico 14:48

Sichus sacerdoteqa ujtawan chay wasita qhawamun, chay llut'achisqasninmanta manaña chay qorwariyay astawan miranchu chay wasipi chayqa, sacerdote nenqa chay waseqa llimphuña kasqanta, chay qorwariyay chinkapusqanrayku.

San Mateo 20:4

Qayllaykuspataj nerqa: Qankunapis riychej uvas chajrayman, qopusqaykichejtaj maychus kajta. Paykunataj sayariytawan rerqanku.

San Juan 5:4

Unaymanta unay, uj ángel uraykamuspa yakuta kuyurichej; ajinapi pichus ñaupajta estanqueman yaykojqa, ima onqoyllamantapis thañikapoj.]