1 Corintios 5:8 - Qheshwa Biblia DC

⁸ Chayrayku, kunanqa ruwaychej Pascuataqa sumaj sonqowan, cheqa kajwan. Chaykunamá mana levadurayoj t'anta jina kanku; astawanqa ruwana tukuy sonqowan, cheqan yuyaywantaj.

DIOSPA QHELQACHISQAN DEUTEROCANONICAL

⁸ Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

DIOSPA QHELQACHISQ

⁸ Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Quechua South Bolivia: Dios Parlapawanchej

⁸ Ajinaka pascuanchejta ruwanachej ama mauc'a causaypa levaduranwanchu, nitaj sajra ruwanaj levaduranwanchu. Manachayrí mosoj causayninchejpi c'acha sonkowan pascuanchejta ruwanachej.

1 Corintios 5:8 Referans Kwoze

Deuteronomio 16:3

Chay rikuchiku kankasqa uywataqa mana levadurayoj t'antatawan mikhunkichej. Chay t'antataqa qanchis p'unchay junt'ata mikhunkichej, imaraykuchus chayqa llakiy t'anta. Qankunaqa ajinata may apurasqata Egiptomanta llojsimorqankichej. Chayrayku qankunaqa kausanaykichejkama yuyarikunkichejpuni ima p'unchaypichus Egiptomanta llojsimusqaykichejta.

Éxodo 12:15

Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa.

San Lucas 12:1

Runas tantakamorqanku waranqa waranqasmanta. Anchata k'iskikamuspataj sarunakusharqanku; ñaupajtataj yachachisqasninman nerqa: Qhawakuychej fariseospa levaduranmanta. Chayqa puraj uya kayninku.

Marcos 8:15

Jesustaj paykunata kamacherqa: Allintapuni qhawakuychej fariseospa levaduranmanta; ajinallatataj Herodespa levaduranmantapis.

San Mateo 16:6

Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.

Efesios 6:24

Diospa khuyakuynin kachun, Señorninchej Jesucristota tukuy wiñaypaj munakojkunaman.

1 Corintios 5:6

Mana allinchu wapuykachanaykichejqa. Manachu yachankichej pisi levaduralla tukuy masata poqochisqanta?

San Juan 1:47

Jesustaj, Natanaelta payman qayllaykushajta rikuspa, nerqa: Kaymá cheqa israelitaqa, paypitaj ni ima llullakuypis kanchu.

San Mateo 16:12

Chaymantaña yuyayninkuman churakorqanku, Jesusqa mana t'anta levaduramantachu parlasqanta; manachayqa, fariseospa yachachiyninmanta, saduceospamantawan, allinta qhawakunankuta.

Isaías 30:29

Qankunapajqa takiykuna kanqa jatun fiesta ch'isipi jina. Sonqoykichejqa kusisqa kanqa, qenata tocarispa, israelitaspa pakakunan Señorpa orqonman rejpata jina.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Salmos 42:4

Kaykunapi yuyani chayqa, llakiywan atipachikuni. Diospa wasinman pusasqayta, qhaparispa, kusiywantaj yupaychaspa, chaypachamá jatun fiesta karqaqa.

Salmos 32:2

Kusisqamin runaqa juchanmanta Señor mana juchachajtin, pitachus Señorqa ni ima juchanmanta uyanchajtin.

Levítico 23:6

Chay kikin killapi chunka phishqayoj p'unchay kashajtin, mana levadurayoj t'anta fiestata, Señormanta yuyarikuspa. Chaymantataj qanchis p'unchayta mikhunkichej mana levadurayoj t'antallata.

2 Corintios 8:8

Mana kaytaqa kamachej jinachu niykichej, imaraykuchus munani yachanaykichejta imaynatachus ujkuna ruwanku tukuy sonqo. Ajinataj kachun qankunajtapis munakuyniykichejqa.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

1 Corintios 5:1

Cheqamanta qankuna ukhupi qhenchachakuy kasqan uyarikun. Chay jina qhenchachakoyqa gentilespurapipis mana kanchu. Uj runa qankuna ukhupi tatampa warminwan kashan.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Deuteronomio 16:16

Señor Diosniykichejpa ñaupaqenman tukuy qharisqa watapi kinsa kutita qayllanqanku, may cheqatachus Señorqa ajllakorqa chaypi, kay fiestaspi: Mana levadurayoj t'anta, nisqa qhochukupi, semanas nisqa fiestapi, ramadas nisqa fiestapipis, mana ni mayqellampis mana imayojqa Señorman qayllaykonqachu.

Éxodo 13:6

Qanchis diasta mikhunkichej mana levadurayoj t'antasta, qanchis kaj p'unchaypitaj Señorman qhochukuta ruwankichej.

Éxodo 12:8

Chay ch'isipi mikhunkichej chay aychasta ninapi kankaspa, mana levadurayoj t'antatawan, chantapis jaya qhorastawan.

Éxodo 12:19

Chay qanchis diapi levaduraqa mana wasiykichejpi kanqachu. Sichus mayqen levadurayojta mikhonqa chayqa, israelita ukhumanta wijch'usqa kanqa, kikin llajtayoj kajpis, chayri karu llajtayoj kajpis.

Éxodo 13:7

Qanchis día junt'ata mana levadurayoj t'antasta mikhunkichej, chantaqa mana maypipis kanqachu levadurayoj t'antas chay p'unchaykunapi, nitaj levadurapis tarikunanchu tiyan tukuynin jallp'api.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.