1 Corintios 5:11 - Qheshwa Biblia DC

¹¹ Chay cartapeqa nimorqaykichej ama tantakunaykichejta ni mayqenwan, hermano sutiyoj kashaspa qhenchachakojwan, mich'akojwan, chayri lanti yupaychajwan, runa masimpaj sajrata rimajwan, chayri machaykojwan, suwakojwan; chay jina runawanqa ama mikhullaychejpischu.

DIOSPA QHELQACHISQAN DEUTEROCANONICAL

¹¹ Manachayqa noqa chay cartapi niyta munarqaykichej ama kawsakunaykichejta ni mayqen runawan: Noqaqa Cristota qhatikoj nishaspa khuchiriyopi purejwan, chayrí mich'a kajwan, chayrí lanti yupaychajwan, runa masinpaj sajrata rimajwan, chayrí machaykojwan, suwakojwan ima. Chay jina purejkunawan ama mikhullaychejpischu.

DIOSPA QHELQACHISQ

¹¹ Manachayqa noqa chay cartapi niyta munarqaykichej ama kawsakunaykichejta ni mayqen runawan: Noqaqa Cristota qhatikoj nishaspa khuchiriyopi purejwan, chayrí mich'a kajwan, chayrí lanti yupaychajwan, runa masinpaj sajrata rimajwan, chayrí machaykojwan, suwakojwan ima. Chay jina purejkunawan ama mikhullaychejpischu.

Quechua South Bolivia: Dios Parlapawanchej

¹¹ Astawanpis kelkamorkayquichej: Ama chajrucuychejchu, “Cristowan ujchaska hermano cani”, nej juchapitaj causashaj runawanka. Sichus pay khencha, mich'a, ruwaska dioscunata yupaychaj, sajrata parlaj, machaj, suwaspa runata ñac'arichej cashan chayka, paywanka ama ni miqhullaychejpischu.

1 Corintios 5:11 Referans Kwoze

Romanos 16:17

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

2 Tesalonicenses 3:14

Pichus kay cartapi nisqaykuta mana kasunmanchu chayqa, paymanta allinta qhawakuychej, amataj paywan tantakuychejchu, ajinamanta p'enqakunampaj.

2 Tesalonicenses 3:6

Kunanqa, hermanos, qankunata kamachiyku Señorninchej Jesucristoj sutimpi, mayqen hermanopis mana allinta purejmanta, kamachisqaykutapis mana jap'ejmanta ima, t'aqakunaykichejta.

San Mateo 18:17

Paykunatapis mana uyarejtenqa iglesiaman willay, iglesiatapis manallataj uyarejtinrí, gentil runata jina, chayrí impuesterota jinallaña qhaway.

1 Corintios 5:13

Jawapi kajkunataqa Dioslla juzganqa. Chay juchallikojtataj qankuna ukhumanta qharqoychej.

2 Juan 1:10

Pillapis qankunaman jamuspa, mana chay yachachiyta apamojtenqa, ama wasiykichejpi jap'ikuychejchu, nitaj napaykuychejchu.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

San Mateo 23:25

Ay qankunamanta, leymanta yachachejkuna, fariseos puraj uyas! Qankunaqa vasota, chuwatapis jawallanta mayllankichej; ukhuykichejrí suwanawan, millay kausaywan ima, junt'a kashan.

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

San Lucas 21:34

Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

1 Corintios 8:11

Qampa yachayniykirayku pisi feniyoj hermanoqa chinkaponqa, piraykuchus Cristo wañorqa.

1 Corintios 6:6

Atikunchu hermanopura quejanakunanku, mana creejkunaj ñaupaqenkupi?

Romanos 13:13

Ajinaqa p'unchaypi jina purinachej maychus kajta; amataj purinachu jatun mikhuykunaspi, machaykuykunaspi, millay kausaypi, churanakuypi, nitaj chhoqonakuypipis.

Salmos 101:5

Noqaqa chinkachisaj, pakayllamanta runa masinkupaj rimajkunata; runaykachajkunata, wapu wapu kajkunatawan mana rikuyta atinichu.

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Apocalipsis 2:14

Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

1 Timoteo 6:5

Kallantaj sajra runaspa qhasi mana kaj churanakuynin. Paykunaqa cheqa kajta mana rejsinkuchu, yuyankutaj Diosta yupaychayqa qolqeta jap'inallapaj kasqanta. [Paykunamanta karunchakuy.]

Efesios 5:18

Ama vinowan machaykuychejchu. Chaypi sajra kausay tiyan. Astawanqa Espirituwan junt'a kaychej.

1 Corintios 11:21

Tukuy ujllapi mikhuna kashajtin, sapa uj ñaupajta cenanta mikhun, ujtaj yarqhachikun, ujtajrí machaykun.

1 Corintios 10:14

Chayrayku munakusqasníy, ayqekuychej lantikunata yupaychanamanta.

1 Corintios 7:15

Uj qosa, chayrí mana creej warmipis, t'aqakuyta munan chayqa, t'aqakuchun. Mana chayraykuchu hermano, chayri hermanapis ñak'ariyta atinchu. Dios wajyawarqanchej tukuy sonqo kausakunapaj.

1 Corintios 7:12

Wajkunamantaj noqa nini, mana Señorchu. Mayqen hermanoj warminchus mana creej kanman, munanmantaj qosanwan tiyakuyta chayqa, ama saqerparichunchu warmintaqa.

Hechos 9:17

Chantá Ananiasqa wasiman yaykuspa, Sauloman makisninta churaykorqa, nerqataj: Hermano Saulo, Señor Jesús, pichus kayman jamushajtiyki ñampi rikhurisorqa, pay kikin kachamuwan watejmanta qhawarinaykipaj, Santo Espirituwantaj junt'asqa kanaykipaj.

San Lucas 18:11

Fariseo kajqa, sayaykuspa payllapaj mañakusharqa: Diosníy, graciasta qoyki. Mana wakinkuna jina suwachu, sajrachu, qhenchachu, nitaj kay impuestero jinachu kani, nispa.

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.