1 Corintios 3:12 - Qheshwa Biblia DC

^12-13 Kay cimiento patapi pipis wasichanman qoriwan, qolqewan, k'acha rumiswan, chayrí k'aspiswan, ichhuswan, ch'aki laqheswan ima chayqa; sapa ujpa ruwasqan sut'inchakonqa; imaraykuchus chay juicio p'unchayqa jamonqa ninawan, ninataj rikuchenqa sapa ujpa ruwasqanta.

DIOSPA QHELQACHISQAN DEUTEROCANONICAL

¹² Pichus chay cimiento patapi wasichajqa kay jina imakunawan wasichayta atinman: Qoriwan, qolqe metalwan, lliphipirishaj rumiwan, chayrí k'aspiwan, ichhuwan, ch'aki laqhewan ima.

DIOSPA QHELQACHISQ

¹² Pichus chay cimiento patapi wasichajqa kay jina imakunawan wasichayta atinman: Qoriwan, qolqe metalwan, lliphipirishaj rumiwan, chayrí k'aspiwan, ichhuwan, ch'aki laqhewan ima.

Quechua South Bolivia: Dios Parlapawanchej

¹² Diospa wasinta ruwananpaj uj wasichajka wiñay sayachejcunata chayrí pisi ratullapaj sayachejcunatapis ajllayta atin. Caycunajina canman: Kori, kolke, valorniyoj rumicitus, c'aspi, chhala, ichhupis.

1 Corintios 3:12 Referans Kwoze

2 Timoteo 4:3

Uj p'unchay jamonqa maypachachus mana munanqankuchu uyariyta, cheqan kajtataj yachachiyta. Manachayqa paykunaj sajra munayninkuman jina yachachejkunata tantanqanku, imaynatachus uyariyta munasqankuta yachachinankupaj.

2 Timoteo 3:7

Paykunaqa yachashallankupuni, manataj jayk'ajpis cheqa kajta rejsiyta atinkuchu.

2 Timoteo 2:20

Uj jatun wasipeqa vasos tiyan mana qorillamantachu, nitaj qolqellamantachu; manachayqa tiyallantaj k'ullumanta, t'urumantapis. Wakintaqa allin imaspaj waqaychanchej, wakintataj mana allin imaspaj.

Apocalipsis 21:18

Perqantaj jaspe rumimanta karqa. Llajtapis ch'uwa qorimanta karqa, ch'uwa cristalmantaj rijch'asqa.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

Salmos 119:72

Noqapaj yachachiykunasniyki palabrasqa, aswan allinraj kanku ashkha qorimanta, qolqemantawan nisqaqa.

Salmos 19:10

Sumaj qorimantapis aswan munana. Abeja misk'imantapis aswan misk'i.

Apocalipsis 2:14

Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

1 Timoteo 6:3

Sichus pillapis waj jinata yachachin, mana Señorninchej Jesucristoj ch'uwa yachachiyninman jina, nitaj Diosta yupaychana kasqanta yachachinchu chayqa, chay runa mana imata yachaspalla jatunchakun. Astawanqa t'ojpisqa jina tapunakuna, churanakuna palabrasta parlan. Chaykunamanta jamunku chhoqonakuykuna, ayñanakuy; Diospaj sajrata rimaykuna, sajra yuyaykuna ima.

Colosenses 2:8

Allinta qhawakuychej, pajtataj pipis pantachisunkichejman llulla yachachiykunawan, qhasi mana kaj parlaykunawan ima. Paykunaqa mana Cristoj nisqantachu yachachinku, manachayqa ñaupa runaj yachachiyninman jinalla, kay mundopi runas yuyaychasqankuman jina.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

Romanos 16:17

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

Hechos 20:30

Chay runasqa qankuna ukhullamantataj sayarenqanku pantasqata parlaspa, ceejkunata paykunaj qhepankuta pusanankupaj.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Isaías 60:17

Chayman apamusqayki broncemantaqa qorita, fierromantaqa qolqeta, maderamantaqa bronceta, rumispa cuentanmantataj fierrota. Kamachisojpa cuentanmanta, ñak'arichisojpa cuentanmantawan, sonqo tiyakuyta justiciatawan churapusqayki.

Proverbios 30:6

Palabrasninmanta ama yapankichu, ama paywan k'amichisunaykipaj, nitaj llullapaj jina qhawachikunaykipaj.

Proverbios 16:16

Qorita rantinamanta nisqaqa aswan allin yachayniyoj kana; qolqeyoj kanamantaqa, aswan allin sumaj yuyayniyoj kana.

Proverbios 8:10

Qolqeta, ch'uwa qorita jap'inaykichejmantaqa, jap'iychej ari yachachisqasniyta, allin imasta rejsiytawan.

2 Corintios 4:2

Astawanqa saqepuyku pakaypi p'enqaykunapi ruwayta, manataj sajra yuyaykunapi purispa, nitaj Diospa palabranta q'ewispa; manachayqa cheqa kajta sut'inchaspa, noqayku allinta rijch'ayta munayku runasman conciencianman jina Diospa ñaupaqempi.

1 Corintios 3:11

Manataj pipis waj cimientota churayta atinchu churasqamantaqa; chay cimientoqa Jesucristo.

Éxodo 5:12

Chaymanta israelitasqa tukuynejta ch'eqerarqanku rastrojosta ichhoj cuentanmanta oqharimoj t'uruta sarunankupaj.