1 Corintios 16:16 - Qheshwa Biblia DC

¹⁶ Noqa mañakuykichej chay jina runastaqa, yanapajkunatawan, llank'ajkunatawan kasunaykichejta.

DIOSPA QHELQACHISQAN DEUTEROCANONICAL

¹⁶ Noqa tukuy sonqo mañarikuykichej Estefanasta kasunaykichejta, jinallataj pay jina yanapakojkunata, chantá Diospa ruwananta tukuy sonqo ruwajkunata ima.

DIOSPA QHELQACHISQ

¹⁶ Noqa tukuy sonqo mañarikuykichej Estefanasta kasunaykichejta, jinallataj pay jina yanapakojkunata, chantá Diospa ruwananta tukuy sonqo ruwajkunata ima.

Quechua South Bolivia: Dios Parlapawanchej

¹⁶ Niyquichejtaj cayjina ruwaj runastaka munacuywan casunayquichejta. Tucuy yanapajcunata Señorpaj sinch'ita llanc'ajcunatapis munacuywan casuychej.

1 Corintios 16:16 Referans Kwoze

Hebreos 13:17

Ñaupajman pusasunkichej chaykunata kasuychej, paykunaj kamachiynimpitaj kaychej; imaraykuchus paykunaqa mana puñuspa almasniykichejta qhawanku, Diosmantaj cuentata qonanku tiyan. Kayqa kusiywan ruwanankupaj, mana llakiywanchu, nitaj rimaspachu; kayqa mana allinchu kanman qankunapaj.

1 Tesalonicenses 5:12

Hermanos, mañakuyku qankuna ukhupi llank'ajkunata, Señorpi kamachisojkunata, yuyaychasojkunata ima allimpaj qhawanaykichejta.

3 Juan 1:8

Chayrayku chay jina hermanostaqa wajyarinanchej tiyan ari, cheqa kajta ruwaysinanchejpaj.

Apocalipsis 2:3

Pacienciawan ñak'arerqanki sutiyrayku mana sayk'uspa.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

1 Timoteo 5:17

Kurajkunaqa iglesiata allinta kamachinku chayqa, allimpajpuni qhawasqas kachunku. Astawanqa, pikunachus Diospa palabranta willanku, yachachinkutaj chaykuna.

1 Tesalonicenses 2:9

Yuyarikuychej, hermanos, ruwasqaykumanta, sayk'usqaykumanta, tuta p'unchay llank'aspa; manataj mayqenniykichejpajpis carga jinachu karqayku, Diospa evangelionta qankunaman willashaspaqa.

1 Tesalonicenses 1:3

Dios Tatanchejpa ñaupaqempi mana samaspa, yuyarikuykupuni feniykichejpa ruwayninmanta, munakuywan llank'asqaykichejmanta, Señorninchej Jesucristopitaj, pacienciakuywan suyakusqaykichejmanta.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Efesios 5:21

Cristota manchachikuspa purajmanta kasunakuychej.

1 Corintios 12:28

Ajinata Dios churan iglesiapi sapa ujta: Ñaupajta apostolesta, qhepanta profetasta, chaymanta yachachejkunata, chaymantataj milagrosta ruwajkunata, thañichejkunata, yanapajkunata, kamachejkunata, waj parlaypi parlajkunata ima.

1 Corintios 3:9

Paykunapis noqaykupis Diospaj llank'ayku, qankunataj Diospa chajran kankichej, chayri Diospa ruwasqan wasi jina kankichej.

Romanos 16:12

Trifenata, Trifosatawan napaykuychej. Paykunaqa Señorpaj llank'anku. Chantá munasqa Persidata napaykuychej. Payqa ashkhata Señorpaj llank'arqa.

Romanos 16:9

Cristopaj llank'aysiwajninchej Urbanota, munasqa Estaquistawan napaykuychej.

Romanos 16:6

Mariata napaykuychej. Payqa ashkhata qankuna ukhupi llank'arqa.

Romanos 16:3

Napaykuychej Priscata, Aquilatawan. Paykunaqa Cristopi yanapawajkuna kanku.

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

Eclesiastés 1:3

Kay pacha runaqa chay jina apura apurata, qhasi mana kajllapaj tukuy imatapis ruwan.

Hebreos 13:24

Tukuy kamachejniykichejta napaykapuwaychej, tukuy ajllasqastawan. Italiapi kajkunataj napaykamusunkichej.