1 Corintios 16:13 - Qheshwa Biblia DC

¹³ Ama puñuspa mañakuychej, sinch'i kaychej feniykichejpi, qhari jinataj kaychej kallpachakuspa.

DIOSPA QHELQACHISQAN DEUTEROCANONICAL

¹³ Qhawaspallapuni kaychej, jinataj Diospi atinikuspa sinch'ita sayaychej. Wapu kaychej, kallpachakuychejtaj.

DIOSPA QHELQACHISQ

¹³ Qhawaspallapuni kaychej, jinataj Diospi atinikuspa sinch'ita sayaychej. Wapu kaychej, kallpachakuychejtaj.

Quechua South Bolivia: Dios Parlapawanchej

¹³ Rijch'ariskaspuni caychej. Señorpi jap'icuspa sumajta sayaychej. Kharijina ruwaychej. Callpachacuychej Señorpi.

1 Corintios 16:13 Referans Kwoze

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Efesios 6:10

Chayrayku, kallpachakuychej Señorpi, atiynimpa kallpampi.

1 Corintios 15:58

Ajina ari, munasqa hermanosníy, sinch'ita sayaychej ama kuyurispa, wiñaspapuni Señorpa ruwaynimpi, yachaspa Señorpa sutimpi llank'asqaykichejqa, mana qhasipajchu kasqanta.

Gálatas 5:1

Cristo juchamanta orqhospa salvawarqanchej. Chayrayku chay salvaciompi sumajta sayaychej, amataj ujtawanqa kamachi yugoman watakuychejchu.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

Filipenses 4:13

Tukuy imata atini Cristo kallpachawajniypi.

2 Tesalonicenses 2:15

Chayrayku, hermanos, sinch'ita sayaychej, jallch'aychejtaj noqaykumanta yachakusqaykichejta, ñaraj siminejta, ñaraj cartaykunejta.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

1 Pedro 5:8

Maychus kajta kausakuychej, allinta qhawakuspa; imaraykuchus chejnisojniykichej supayqa, león jina qhaparqachaspa muyupayashasunkichej, mayqellantapis oqoykunampaj.

Filipenses 4:1

Chayrayku munasqa hermanosníy, qankunata mayta munashani rikuyta; imaraykuchus qankuna kusikuyniy pilluytaj kankichej. Kunanqa munakusqasníy, sinch'ita sayaychej Señorpi.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

1 Tesalonicenses 3:8

Kunanqa watejmanta kausayku qankuna Señorpi sinch'ita sayasqaykichejrayku.

2 Timoteo 4:7

Allin tinkupi maqanakuniña, ruwanaytapis tukuychaniña, jinapis creespallapuni kani.

2 Samuel 10:12

Kallpachakuy, jallp'anchejrayku, jinataj Diosninchejpa llajtasninraykutaj sinch'ita maqanakunachej. Señortaj munasqanman jina ruwachun!

2 Corintios 1:24

Mana noqaykoqa, feniykichejrayku kamachejkuna jinachu kayta munayku; astawanqa kusikuyniykichejta yanapayku, imaraykuchus feniykichejrayku sinch'ita sayashankichej.

San Mateo 26:41

Ama puñuychejchu, qhawaychej, Diosmantataj mañakuychej, ama juchaman urmanaykichejpaj. Cheqamanta espiritoqa kallpayoj, aychataj mana kallpayojchu.

Colosenses 4:2

Mana sayk'uyta Diosmanta mañakuychej, mana puñuspataj qhawaychej graciasta qospa.

1 Crónicas 28:10

Yuyarikuypuni. Señor qanta ajllakususqanta uj tiyakuna llimphu wasita ruwapunaykipaj. Chayrayku kallpachakuy, ruwaytataj.

1 Pedro 4:7

Tukuy imaj tukukuynin qayllapiña. Maychus kajta ruwaspa kausakuychej. Mana sayk'uspataj Diosmanta mañakuychej.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

1 Corintios 14:20

Hermanos, yuyaypeqa ama wawas jina kaychejchu, astawanqa sajra yuyaypaj wawas jina kaychej. Machu runas jina allinta yuyaychej.

Colosenses 4:12

Qankunamanta ujnin kaj, Cristoj kamachin Epafras napaykamusunkichej. Payqa Diosmanta mañashampuni qankunapaj sumajta sayanaykichejpaj, Diospa tukuy munaynimpitaj allinchasqas, junt'asqastaj kanaykichejpaj.

2 Timoteo 2:1

Qanqa, wawáy, kallpachakuy, Cristo Jesuspi kashan chay khuyakuywan.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Daniel (hebreo) 11:32

Reyqa misk'i palabrasllawan, Diospa trato ruwasqanta p'akejkunata, payta qhatejkunaman tukucherqa. Diosta munakojkunataj cheqampi sayanqanku, maychus kajtataj ruwaspa.

1 Tesalonicenses 5:6

Chayrayku, ama chay ujkuna jinaqa puñunachu, astawanqa ama puñuspa qhawana, ch'aki sonqostaj kana.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

1 Samuel 4:9

Kallpachakuychej ari filisteo soldados, sinch'itataj maqanakuychej, ama hebreo runaspa kamachisnin kanaykichejpaj, imaynatachus paykuna kamachisniykichej karqanku jinataqa!, nispa.

Zacarías 8:9

Tukuy Atiyniyoj Señor kayta nin: Qankuna kallpachakuychej. Kay p'unchaykunasllaraj uyarinkichej profetaspa parlasqasninkuta, Tukuy Atiyniyoj Señorpa yupaychana wasin, watejmanta ruwakuyta qallarikusqanmantapacha.

Hageo 2:4

Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

1 Crónicas 19:13

Kallpachakuy, tukuy kallpawantaj maqanakunachej jallp'anchejrayku, Diosninchejpa llajtasninraykutaj. Señortaj imachus allin rijch'asqanta ruwachun.

Apocalipsis 16:15

Kayqa, noqa suwa jina jamushani. Kusikuyniyojmin mana puñuspa qhawajqa, p'achantapis jallch'ajqa, ama q'alalla purinampaj, nitaj p'enqayninta rikunankupaj.

2 Timoteo 4:5

Qantaj maychus kajta kausakuy tukuy imapi, llakiykunata apay evangeliota willaraspa. Llank'ayniykita allinta junt'ay.

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

Zacarías 8:13

Imaynatachus qankuna Judamanta, jinataj Israelmanta kajkunapis, waj llajtakunapaj uj maldición karqankichej, kunantaj salvasqaykichej, jinamanta uj bendicionñataj kanaykichejpaj. Chayrayku, amapuni mancharikuychejchu, kallpachakuychej, nispa.

San Mateo 25:13

Allinta qhawakuychej. Mana yachankichejchu ari ima diatachus, chayrí ima horatachus Runaj Churin jamunanta.

Josué 1:18

Pillapis kamachisqaykita jark'ajqa, chayri imatachus kamachisqaykita mana kasukojqa, wañuchun. Noqaykoqa munayku qan sumaj kallpachasqa wapu kanallaykita.

Salmos 31:24

Kallpachakuychej, sonqoykichejpitaj kusikuychej, qankuna Señorpi suyajkuna.