1 Corintios 15:45 - Qheshwa Biblia DC

⁴⁵ Jinallataj escribisqa kashan: Ñaupaj kaj runa Adanqa, kausaj almayoj ruwasqa karqa; qhepa kaj Adantaj kausachej espirituyoj ruwasqa karqa.

DIOSPA QHELQACHISQAN DEUTEROCANONICAL

⁴⁵ Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

DIOSPA QHELQACHISQ

⁴⁵ Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

Quechua South Bolivia: Dios Parlapawanchej

⁴⁵ Ajinata Diospa palabranpipis nin: Ñaupaj runa, Adanta, Dios ruwarka causashaj runata. Khepa caj Adantaj, Cristo, causayta koj espiritumin.

1 Corintios 15:45 Referans Kwoze

San Juan 5:21

Imaynatachus Dios Tataqa wañusqasta kausarichispa, kausayta paykunaman qon, ajinallatataj Churipis pikunamanchá qoyta munan, chaykunaman kausayta qon.

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

Romanos 8:2

Kausachej Espíritoj leynenqa Cristo Jesuspi; juchaj kamachiyninmanta wañuymantawan kacharichiwan.

San Juan 6:63

Espiritoqa kausachin, aychaqa mana imapaj walejchu. Noqa parlaykichej chay palabrasneyqa espiritumin, kausaytaj.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

San Juan 6:57

Imaynatachus kausaj Tata kachamuwarqa, paynejtataj kausani; ajinallatataj noqata mikhuwajqa noqanejta kausanqa.

San Juan 6:33

Janaj pachamanta Diospa t'antan uraykamojqa, mundoman kausayta qon.

San Juan 6:54

Pillapis aychayta mikhoj, yawarniytataj ujyajqa, wiñay kausayniyojña; noqataj payta kausarichisaj qhepa p'unchaypi.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Apocalipsis 22:1

Chay qhepata kausaj yakuyoj ch'uwa mayuta rikuchiwarqa, cristal jina lliphipejta, Diospa trononmanta, Corderojmantawan llojsimushajta.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Colosenses 3:4

Cristo kausayniykichej kasqanta rikuchikojtin, chaypacha qankunapis paywan jatun lliphipej k'anchaynimpi rikuchisqasllataj kankichej.

Filipenses 3:21

Paytaj kay k'umuykukusqa cuerponchejta waj jinaman tukuchenqa, kikin paypa lliphipej cuerponman jina. Chay kikin atiyllawantaj tukuy imasta kamachiynimpa uranman churanqa.

Romanos 5:21

Chayqa karqa imaynatachus jucha atiyniyoj karqa wañuy kanampaj, ajinallatataj Diospa khuyakuynimpis atiyniyoj kanqa, cheqan kajnejta wiñay kausaypaj Señorninchej Jesucristonejta.

Romanos 5:17

Sichus uj runaj juchanrayku wañuy atiyniyoj karqa chayqa, aswan atiyniyojraj kanqanku mosoj kausaypi Jesucristonejta, pikunachus qhasimanta jatun salvacionta jap'inku, cheqan kaypa regalontawan.

Hechos 3:15

Ajinata qankunaqa wañucherqankichej kausayta qojta. Diostaj paytaqa wañusqamanta kausarichimorqa, noqaykutaj chay rikusqaykuta willayku.

San Juan 14:19

Uj chhikamantawan mundoqa mana rikuwanqañachu; qankunarí rikuwankichej. Noqa kausasqayrayku, qankunapis kausankichej.

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Juan 10:10

Suwaqa jamun suwanallampaj, wañuchinampaj, chinkachinampajtaj. Noqarí jamuni kausayniyoj kanankupaj, aswan junt'a kausayniyoj kanankupajtaj.

San Juan 6:68

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

San Juan 4:10

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

San Juan 1:4

Kausayqa paypi kasharqa. Chay kausaytaj runaspaj k'anchay karqa.

Apocalipsis 16:3

Iskay kaj angeltaj ma qochaman copamanta jich'aykorqa, qochataj uj wañusqaj yawarninman jina tukorqa. Mar qochapi kausajkunataj tukuynin wañorqanku.

1 Corintios 15:46

Chaywampis, mana espirituman jina kajrajchu ñaupajta karqa, astawanqa aychaman jina kajraj karqa. Chaymantaraj espirituman jina kajqa karqa.