1 Corintios 15:32 - Qheshwa Biblia DC

³² Runa jina tinkorqani phiña animaleswan Efesopi. Imata tarini chaywan? Cheqamanta wañusqaschus mana kausarimunku chayqa, mikhuna ari, ujyanataj, imaraykuchus q'aya wañupusunchej.

DIOSPA QHELQACHISQAN DEUTEROCANONICAL

³² Éfeso llajtapipis runakunawan maqanakullarqanitaj, paykunataj manchay phiña monte animal jina karqanku. Jina kajtenqa, paykunawan maqanakuspa, ima allintataj tarerqaniri? Cheqatapunichus wañusqakuna mana kawsarimonqankuchu chayqa, wajkuna ninku jina noqanchejpis nillasunmantaj: Mikhuna, ujyana, imaraykuchus q'aya wañupusunchej, nispa.

DIOSPA QHELQACHISQ

³² Éfeso llajtapipis runakunawan maqanakullarqanitaj, paykunataj manchay phiña monte animal jina karqanku. Jina kajtenqa, paykunawan maqanakuspa, ima allintataj tarerqaniri? Cheqatapunichus wañusqakuna mana kawsarimonqankuchu chayqa, wajkuna ninku jina noqanchejpis nillasunmantaj: Mikhuna, ujyana, imaraykuchus q'aya wañupusunchej, nispa.

Quechua South Bolivia: Dios Parlapawanchej

³² Cristoj sumaj willanasninraycu makanacorkani cay Efeso llajtapi leonjina sajra runaswan. Chaytataj runaj yuyaynillanwan ruwayman chayka, ni ima allinpis nokapaj canmanchu. Sichus ni jayc'aj wañuskacuna causarimuncuchu chayka: Miqhunachej, ujyanachej, k'ayamin wañusun, nincujina.

1 Corintios 15:32 Referans Kwoze

Isaías 22:13

Astawampis asikorqankichej, kusikorqankichejtaj, ovejasta, wakastapis ñak'aspa, sumajta aychata mikhuspa, vinotapis ujyaspa, nerqankichej: Mikhuna, ujyana, imaraykuchus q'aya wañupusun.

San Lucas 12:19

Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

Isaías 56:12

Paykunaqa ninakullanku: Jamuychej ujyasunchej vinota, licorwan macharikunachej; q'ayaqa kunan p'unchay jina kanqa, chayri aswan sumajrajchus kanqapis.

2 Pedro 2:12

Kay runastaj mana yuyayniyoj, animales jina mana yachaspalla sajrata rimanku. Paykunaqa presochasqas, tukuchisqastaj kanankupaj nacikorqanku. Ajinamanta wañonqanku kikin animales jina.

Hechos 18:19

Efeso llajtaman chayaspataj, Priscilata Aquilatawan chaypi saqespa, Pabloqa, sinagogaman yaykuspa judiosman yachacherqa.

Judas 1:10

Chay runakunarí, mana imata rejsisqankupaj sajrata rimanku; imastachus rejsisqankupirí, mana yuyayniyoj uywas jina, wañuyman rinku.

Gálatas 3:15

Hermanos, runa jinalla parlankichej: Uj tratoqa runajtapis kachun, sayachisqaña, mana pipis yanqhayachiyta atinchu, nitaj imata yapaykuyta.

Romanos 6:19

Runa jina parlani, pisi kallpayoj kasqaykichejrayku. Ajinamanta qankunaqa ñaupajta cuerpoykichejta qorqankichej, millay kajman, sajra kajmampis. Ajinata kunanqa llimphuchasqas kanaykichejpaj, cuerpoykichejta Diosman qoychej, cheqan kajta kasunaykichejpaj.

Hechos 19:1

Apolos Corintopi kashajtintaj, Pabloqa puna jallp'asnejta rerqa, Efeso llajtaman chayanankama. Chaypitaj wakin yachachisqaswan tinkorqa.

San Lucas 9:25

Ima allintaj kanman runapaj, sichus mundontin paypata kanman, kausaynintataj chinkachinman chayri?

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Salmos 73:13

Llimphu sonqo kayqa yanqhalla. Jinallataj makisniyta tukuy sajramanta mayllakusqaypis.

Job 35:3

Qanqa Diosman ninki: Ima dakusunki sichus noqa juchallikuni chayri? Juchasneyqa imanasunkitajri?

Hechos 18:21

Ripushaspataj paykunaman nerqa: [Jamoj fiestapajqa Jerusalempi kanay tiyan.] Dios munajtenqa ujtawan kutimusaj qankunawan kanaypaj. Niytawantaj Efesoman riporqa.

Romanos 3:5

Sajra kayninchejchus Diospa cheqa kayninta sut'ita rikuchin chayqa, ima nisuntaj, Diosqa jasut'ispa juchayojchu? Kaytaqa parlani runa jina.

1 Corintios 16:8

Chaywampis Efesopi qhepakusaj Pentecostés p'unchaykama.