1 Corintios 14:6 - Qheshwa Biblia DC

⁶ Kunanqa hermanos, sichus noqa qankunaman jamuyman waj parlaypi parlaspa chayqa, manachu parlayman rikuchiywan, chayrí yachaywan, Diospa palabranta sut'inchaywan, chayrí yachachiykunawantaj? Ima allintaj kanman qankunapajri?

DIOSPA QHELQACHISQAN DEUTEROCANONICAL

⁶ Wawqe panakuna, sichus noqa qankunata watukoj jamuspa mana yachasqaykichej parlaypi parlayman chayqa, qankunapaj ima allintaj kanmanri? Aswanpis allinniykichejpaj kanman, sichus Diosmanta sut'inchayman chayqa, chayrí jatun yachaywan parlayman, manachayrí ima yachaytapis yachachiykichejman chayqa, chaypachalla.

DIOSPA QHELQACHISQ

⁶ Wawqe panakuna, sichus noqa qankunata watukoj jamuspa mana yachasqaykichej parlaypi parlayman chayqa, qankunapaj ima allintaj kanmanri? Aswanpis allinniykichejpaj kanman, sichus Diosmanta sut'inchayman chayqa, chayrí jatun yachaywan parlayman, manachayrí ima yachaytapis yachachiykichejman chayqa, chaypachalla.

Quechua South Bolivia: Dios Parlapawanchej

⁶ Cunanka, hermanosníy, sichus waj parlaycunapi parlaspa jamuyquichejman chayka ¿imapitaj yanapayquichejman? Parlaskaytaka entiendenayquichej tiyan. Chayraycu kancunata wiñachinaypajka cheka cajta sut'inchasunayquichej tiyan, espíritu yachayta sut'inchasunayquichej tiyan. Chayrí willarasunayquichej tiyan, yachachisunayquichejpis tiyan.

1 Corintios 14:6 Referans Kwoze

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

2 Timoteo 3:16

Tukuy Escriturasqa Diospa yuyaychasqan, walejtaj yachachinapaj, uyanchanapaj, k'amispa wanachinapaj, cheqan kajpi yuyaychanapaj ima.

Romanos 6:17

Ñaupajta juchaj kamachisnin karqankichej. Kunantajrí Diospa khuyakuyninrayku tukuy sonqowan kasunkichejña, chay yachachiy qosqaman jina, mayqempichus yachachisqas karqankichej.

1 Corintios 14:1

Munakuyta mask'aychej; jinallatataj Espirituman jina yachaykunata jap'iyta munaychej; astawanqa Diospa palabranta sut'inchayta.

2 Juan 1:9

Cristoj yachachiyninmanta llojsipojqa, manataj yachachiynimpi sayajqa, mana Diosniyojchu. Cristoj yachachiynimpi sayajrí, Dios Tatayoj, Churiyojtaj.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

2 Pedro 1:5

Chayrayku qankunapis tukuy k'uchi kayta churaspa, feniykichejman yapaychej atiyta, atiymantaj yachayta.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

2 Timoteo 4:2

Chayrayku, Diospa palabranta willay tiempompi, mana tiempompipis; jinallataj uyanchay, k'amiy, sonqochay pacienciawan allinta yachachispa.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.

2 Timoteo 2:14

Kay imasta yuyarichiy Señorpa ñaupaqempi k'amispa, ama ima palabra jawapis churanakunankuta. Chayqa mana imapaj walejchu, uyarejkunata astawan pantachispa karunchachin.

Filipenses 3:15

Tukuy fepi allin wiñasqa kajkunaqa uj rejllata yuyana. Sichus waj jinata yuyawajchej chayqa, chaytapis sut'inchasonqachej Diosllataj.

Efesios 3:4

Chayta leespa yachayta atinkichej, Cristoj pakasqa imasninta rejsisqayta.

2 Corintios 12:1

Cheqamanta noqa jatunchakunayqa mana allinchu; munajtinkurí, Señor rikuchiwasqanmanta, sut'inchawasqanmanta ima parlasaj.

2 Corintios 11:6

Mana allinta parlani chaypis, tukuy ima yachayta rejsiypitaj mana jinachu kani, kaytataj qankunawan kashaspa rikucherqayku tukuy imapi.

1 Corintios 10:33

Noqapis allin rijch'ayta munani tukuy imapi. Manataj noqaj allinnillaytachu mask'ashani, astawanqa wajkunaj allinnintapis mask'ashallanitaj, salvasqas kanankupaj.

Romanos 16:17

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

Romanos 15:14

Hermanosníy, noqa allinta yachani qankuna khuyakuywan, tukuy yachaywan junt'a kasqaykichejta, qankunapura sonqochanakunaykichejpaj.

Hechos 2:42

Sumajta sayaspa, apostolespa yachachisqanta qhatisharqanku, ujchasqastaj karqanku. T'antata partispa khuska mikhoj kanku, Diosmantataj mañakuspa.

San Mateo 16:26

Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku?

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

Jeremías 23:32

Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

1 Samuel 12:21

Ama chay qhasi dioskunasta qhatiychejchu, paykunaqa mana atinkuchu yanapayta, nitaj salvaytapis qhasi llullas kasqankurayku.

1 Corintios 14:7

Ajinallataj kashan mana kausayniyoj tocanaswampis, sichus qena, guitarrapis, mana sapa ujnin waj jinata waqanman chayqa, imaynata yachasunman qenachus, chayrí guitarrachus waqasqantari?