1 Corintios 14:16 - Qheshwa Biblia DC

¹⁶ Qanchus Diosta espiritullawan yupaychawaj chayqa, mana creejqa, imaynatataj “Amén” ninman, graciasta qoshajtiyki, mana yachaspa imatachus nisqaykita?

DIOSPA QHELQACHISQAN DEUTEROCANONICAL

¹⁶ Qanchus espiritullaykiwan mana rejsisqa parlaypi Diosta yupaychawaj chayqa, imatachus nishasqaykita mana yachajkuna imaynatataj qanwan khuska Diosta jatunchankumanri? Chayrí, sichus imatachus nishasqaykita mana yachankumanchu chayqa, imaynatataj qanwan khuska Diosta pachis ninkuman?

DIOSPA QHELQACHISQ

¹⁶ Qanchus espiritullaykiwan mana rejsisqa parlaypi Diosta yupaychawaj chayqa, imatachus nishasqaykita mana yachajkuna imaynatataj qanwan khuska Diosta jatunchankumanri? Chayrí, sichus imatachus nishasqaykita mana yachankumanchu chayqa, imaynatataj qanwan khuska Diosta pachis ninkuman?

Quechua South Bolivia: Dios Parlapawanchej

¹⁶ Espiritullayquiwan parlajtiyqueka mana yachachiska runaka kanpa yupaychaskayquita mana reparanchu. Chayraycu Diosman graciasta kojtiyqui: “Ajina cachun”, nispa cutichiyta mana atinchu.

1 Corintios 14:16 Referans Kwoze

Apocalipsis 5:14

Tawantin animalestaj nerqanku: Amén. Chay iskay chunka tawayoj kurajkunataj qonqoriykukuspa yupaycharqanku.

Salmos 106:48

Israelpa Señor Diosnin jatunchasqa kachun, wiñaypa wiñaynimpaj. Tukuy nichunku: Ajina kachun, nispa. Yupaychasqa kachun Señorqa!

1 Crónicas 16:36

Bendicisqa kachun Israelpa Señor Diosnenqa wiñay wiñaynintimpaj! Tukuynin ayllutaj kuticherqa, ajina kachun, nispa. Señortataj yupaycharqanku.

1 Corintios 11:24

Graciasta qospataj chay t'antata parterqa, nispa: Kayta mikhuychej; kaymin cuerpoyqa, qankunarayku qosqa kanqa, kaytataj ruwaychej noqamanta yuyarikuspa.

Nehemías 8:6

Chaypacha Esdrasqa Tukuy Atiyniyoj Señor Diosta yupaycharqa, tukuy ayllutaj makisninkuta patata oqharispa kuticherqanku: Ajina kachun, ajina kachun, nispa. Chaymantataj pampakama k'umuykuspa Señorta yupaycharqanku.

Apocalipsis 7:12

Nerqankutaj: Amén. Khuyakuy, yupaychay, yachay, graciasta kutichiy, jatunchay, atiy, kallpachay, Diosninchejman wiñay wiñaypaj kachun. Amén.

Números 5:22

Chay jasut'eyqa jamusuchun maldicionta apamoj yakuta ujyajtiyki. Chaymantataj warmi kutichenqa: Ajina kachun, nispa.

Apocalipsis 22:20

Kaykunata willajqa nin: Cheqamanta usqhayta jamushani. Amén. Arí, jamuy Señor Jesús.

1 Corintios 16:24

Cristo Jesuspi noqaj munakuyniy, tukuy qankunawan kachun. Amén.

1 Corintios 14:14

Sichus noqa Diosmanta mañakuyman, mana rejsisqa parlaypi chayqa, espiritullay mañakun, yuyayniytaj mana imata yachaspa qhepakun.

1 Corintios 14:2

Pichus mana rejsisqa parlaypi parlajqa, mana runamanchu parlan, Diosman parlan, nitaj pipis entiendenchu parlasqanta, Espirituman jina pakasqa yachaykunata parlajtimpis.

Hechos 4:13

Paykunaqa mayta t'ukuspa, qhawarqanku Pedrota Juantawan mana manchachikuspa parlajta, astawanqa yachaspa mana yachakuyniyoj runaslla kasqankuta. Rejserqankutaj kay runasqa Jesuswan khuska purisqankuta.

San Juan 21:25

Jesuspa ruwasqasnintaj aswan ashkharaj tiyan. Chaykunachus ujmanta uj escribikunman chayqa, yuyani mundontimpipis mana campo kanmanchu, chay escribisqa librosta churanapaj. Amén.

San Juan 7:15

Judiostaj t'ukorqanku, nerqankutaj: Kay runa imaynamanta chhika yachayniyoj rikhurimunri, mana imata yachachikuspallari?

Marcos 16:20

Paykunataj llojsiytawan tukuynejpi evangeliota willarqanku. Señortaj yanapasharqa, señalesta ruwasqankuwan rikuchispa willasqanku cheqa kasqanta.]

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

Jeremías 11:5

Sichus qankuna kasuwankichej chayqa, noqapis chay ñaupa tatasniykichejman jurarqani qonayta, chayta junt'asaj, maypichus tiyakushankichej chaypi lechepis, misk'ipis yaku jina puririshan, nispa. Noqataj chaypi kuticherqani: Arí, Señor, nispa.

Salmos 89:52

Wiñaypaj Señorqa yupaychasqa kachun. Ajina kachun.

Salmos 72:19

Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

Salmos 41:13

Yupaychasqa kachun Israelmanta Diosnin, wiñaypa wiñaynimpaj. Ajina kachun.

Nehemías 5:13

Chay jawaqa p'achayta thalarikuspa nerqani: Ajinata Diosman junt'ajkunata wasiykichejmanta jawaman thalarpayachun, jinallataj llank'anaykichejmantapis. Ajinata Dios qharqochun mana imayojta. Tukuy runastaj kuticherqanku: Ajina kachun nispa. Señortataj yupaycharqanku. Runasqa chay nisqankuta junt'arqanku.

1 Reyes 1:36

Chantaqa Joiadaj wawan Benaiaqa reyman kutichispa nerqa: Ajina kachun; ajinata nichun Señor reyniypa Diosnin.

San Mateo 15:36

Qanchis t'antasta, challwastawan makimpi jap'ispa, graciasta qorqa. Partispataj yachachisqasninman jaywarqa; paykunataj runakunaman jaywarqanku.

2 Corintios 1:20

Tukuy imata Dios qoyta munawasqanchejrí, Cristo Jesuspi “arí” kashan, payllapitaj “amén”, Dios yupaychasqa kanampaj noqanchejnejta.