1 Corintios 13:1 - Qheshwa Biblia DC

¹ Sichus noqa parlayman runakunaj parlaynimpi, angelespa parlaynimpiwan, manataj munakuyniy kapuwanmanchu chayqa, jatun campanaj waqayninman rijch'akuyman; chayrí, juch'uy campanaj waqayninman rijch'akuyman.

DIOSPA QHELQACHISQAN DEUTEROCANONICAL

¹ Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

DIOSPA QHELQACHISQ

¹ Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

Quechua South Bolivia: Dios Parlapawanchej

¹ Runacunaj parlaynincupi angelcunaj parlaynincupipis parlayman. Sitajchus Diosta runastataj mana munacuymanchu chayka, khasilla parlayman. Ch'usaj fierro wakan ajina chayrí thanta lata, calan-calan, wakaskanmanjina tucuni.

1 Corintios 13:1 Referans Kwoze

1 Timoteo 1:5

Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

1 Corintios 13:8

Munakoyqa mana jayk'ajpis tukukonqachu; chaywampis Diospa palabranta sut'inchayqa tukukaponqa, runakunaj parlayninkupis ch'inyaponqa, yachaykunapis tukukapullanqankutaj.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

1 Corintios 8:1

Lantikunaman mikhuna jaywasqasmanta tukuy yachanchej; chay yachaytaj qhasi mana kajta umata oqharichin; munakuyrí Espirituman jina wiñachin.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Romanos 14:15

Sichus mikhusqaykirayku wauqeyki llakikun chayqa, manaña munakuyman jinachu purishanki. Ama pipis mikhusqaykirayku chinkachunchu, imaraykuchus chay runapaj Cristo wañorqa.

San Mateo 25:45

Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu.

1 Corintios 12:8

Wakinmanqa Espiritunejta yachay palabras qosqa, parlayta atinampaj; wakinmantaj kikin Espiritullataj qon yachaysapa yachaykunata.

1 Corintios 12:16

Ningritajchus nillanmantaj mana ñawichu kasqanta, chayraykuchu mana cuerpojta kanman?

Salmos 150:5

Payta yupaychaychej jatun kalanniyoj platolluswan. Payta yupaychaychej chhallaj chhallaj nej platilloswan.

Marcos 16:17

Creejkunataj kay señalesta ruwanqanku: Sutiypi supaykunata qharqonqanku; mosoj parlaykunatataj parlanqanku.

1 Corintios 12:10

Ujmanqa qon milagrosta ruwanampaj; ujmantaj Diosmanta sut'inchanampaj; ujmantaj imayna espirituchus kasqanta rejsinampaj; ujmantaj imaymana parlaykunata parlanampaj; ujmantaj qon, waj parlaykunapi parlasqankuta sut'inchanampaj.

1 Corintios 14:2

Pichus mana rejsisqa parlaypi parlajqa, mana runamanchu parlan, Diosman parlan, nitaj pipis entiendenchu parlasqanta, Espirituman jina pakasqa yachaykunata parlajtimpis.

1 Corintios 14:4

Pichus mana rejsisqa parlaypi parlan chayqa, paypa allinnillampaj parlakun. Pichus Diospa palabranta sut'inchajrí, Espirituman jina iglesiata wiñachin.

1 Corintios 14:5

Noqa munayman tukuyniykichej parlanaykichejta mana rejsisqa parlaykunapi, astawanqa munayman Diospa palabranta sut'inchanaykichejta; sut'inchajqa aswan kuraj waj parlaypi parlajmantaqa. Payllataj chay parlasqanta sut'inchanman chayllapuni iglesiaqa Espirituman jina wiñayta atinman.

Apocalipsis 14:2

Janaj pachapitaj sonajta uyarerqani, ashkha yaku phajchajta jina, qhon qhompa sonasqanta jina. Chay sonasqanta uyarisqaytaj rijch'akorqa arpata tocajkunaman, arpasninkutapis waqachishankuman jina.