1 Corintios 11:26 - Qheshwa Biblia DC

²⁶ Ajina ari, sapa kuti kay t'antamanta mikhuspa kay copamanta ujyaspataj Señorpa wañuyninmanta willankichej, pay kutimunankama.

DIOSPA QHELQACHISQAN DEUTEROCANONICAL

²⁶ Ajina ari, qankunapis sapa kuti kay t'antata mikhuspa, kay copamanta ujyaspataj, Tukuyta Kamachej Jesús wañusqanmanta willankichej pay kutimunankama.

DIOSPA QHELQACHISQ

²⁶ Ajina ari, qankunapis sapa kuti kay t'antata mikhuspa, kay copamanta ujyaspataj, Tukuyta Kamachej Jesús wañusqanmanta willankichej pay kutimunankama.

Quechua South Bolivia: Dios Parlapawanchej

²⁶ Chayraycu sapa cuti cay t'antata miqhuspa cay copata ujyaspaka Señor nokanchejraycu wañuskanta ricuchinquichej. Cayta ruwanquichej pay jamunancama.

1 Corintios 11:26 Referans Kwoze

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

San Juan 14:3

Ripuspaqa qankunapaj tiyakunasta wakichimusaj, chantá kutimuspa pusasqaykichej, maypichus noqa kasaj chaypi qankunapis kanaykichejpaj.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

Hechos 1:11

Paykunamantaj nerqanku: Galileokuna, imaraykutaj patata qhawaspallapuni kankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj ujtawan kutirimonqa, imaynatachus ripojta rikunkichej ajinata.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

San Juan 21:22

Jesús kuticherqa: Sichus munani kutimunaykama pay qhepakunanta chayqa, ima dakusunki qanmanri? Qanqa qhepayta jamuy, nispa.

Apocalipsis 22:20

Kaykunata willajqa nin: Cheqamanta usqhayta jamushani. Amén. Arí, jamuy Señor Jesús.

Judas 1:14

Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas.

1 Tesalonicenses 4:16

Kikin Señorpuni kamachej qhapariywan, arcangelpa qhaparisqanwan, Diospa pututunwantaj janaj pachamanta uraykamonqa, Cristopi wañojkunataj ñaupajta kausarimonqanku.

1 Corintios 15:23

Chayrayku sapa uj maychus kanampi, qhepampi qhepampi kausarenqa, ñaupajta Cristoraj ñaupaj poqoy jina; chaymantaña Cristojta kajkunaqa kausarenqanku jamuynimpi.

2 Tesalonicenses 1:10

Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

San Juan 21:23

Chay nisqata hermanos ukhupi willakorqa jaqay yachachisqa mana wañunan kasqanta. Jesustaj mana imatapis nerqachu, mana wañonqachu nispa. Astawanqa nerqa: Sichus kutimunaykama pay qhepakunanta munani chayqa, imá dakusunki qanmanri?