1 Corintios 11:19 - Qheshwa Biblia DC

¹⁹ Cheqamanta, kanampuni tiyan t'aqanakus qankuna ukhupi, yachakunampaj mayqenkunachus cheqan sonqoyoj kasqaykichejta.

DIOSPA QHELQACHISQAN DEUTEROCANONICAL

¹⁹ Ajinaqa, qankuna ukhupi t'aqaranakuy kananpuni tiyan, yachakunanpaj mayqenkunachus cheqapuni Diospata kasqaykichej.

DIOSPA QHELQACHISQ

¹⁹ Ajinaqa, qankuna ukhupi t'aqaranakuy kananpuni tiyan, yachakunanpaj mayqenkunachus cheqapuni Diospata kasqaykichej.

Quechua South Bolivia: Dios Parlapawanchej

¹⁹ Kancuna chaupipi t'akanacuycunaka cananpuni tiyan. Chaywan ricuchiconka cheka hermanoschus chayrí mana chekachus caskancuta.

1 Corintios 11:19 Referans Kwoze

1 Juan 2:19

Chay runasqa noqanchej ukhumanta llojserqanku. Chaywampis mana noqanchejmantachu karqanku. Noqanchejmantachus kankuman karqa chayqa, paykunaqa noqanchejwan qhepakunkuman karqa. Ajinamanta rejsichikunku, mana tukuyninchu noqanchejmanta kasqankuta.

Tito 3:10

Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.

Hechos 20:30

Chay runasqa qankuna ukhullamantataj sayarenqanku pantasqata parlaspa, ceejkunata paykunaj qhepankuta pusanankupaj.

San Lucas 17:1

Jesustaj nerqa yachachisqasninman: Juchaman urmanaqa kallanqapuni; chantapis, ay jaqay runamanta, pichus wajta juchaman urmachejmanta!

Deuteronomio 13:3

Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

San Mateo 18:7

Ay, kay mundopi misk'anasmanta! Misk'anas jamonqankupuni. Ay, jaqay runamanta, piraykuchus misk'ay jamonqa!

Hechos 28:22

Chaywampis, qampa simiykimanta uyariyta munayku imatachus yuyasqaykita, imaraykuchus tukuynejpi parlasqaykita uyariyku, chay mosoj t'aqaj contranta tukuynejpi oqharikusqankuta.

Hechos 26:5

Paykunaqa rejsiwarqanku ñaupajmantapacha. Munaspaqa parlachunku imaynatachus cheqan religionniykuman jina fariseo kasqayta.

Hechos 24:14

Kaytarí, sut'inta willasqayki: Tatasniypa Diosninta yupaychani kay mosoj ñanta qhatispa, mayqentachus pantasqa kasqanta ninku. Astawampis creeni Moisespa leynimpi, profetaspa escribisqampi ima.

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

Hechos 15:5

Fariseosmanta wakin creejkunataj, sayarispa nerqanku: Gentilesmanta creejkunaqa, circuncidasqas kananku tiyan, Moisespa leyninman jina.

Hechos 5:17

Chaymantataj jatun sacerdote, paywan kajkuna ima, saduceos t'aqamanta apostoleswan jap'inakuspa, maytapuni phiñakorqanku.

San Lucas 2:35

Kaytaj qampa almaykita espada jina pasachenqa, jinapi ashkha sonqospa yuyaynin yachakunampaj.

1 Corintios 11:20

Ajinata qankunapura tantakuspa mikhunkichej chayqa, manaña Señorpa Cenantachu mikhunkichej.

2 Corintios 12:20

Manchachikushani, qankunata watukoj jamuspaqa, mana munasqayman jinachu taripanayta. Manchachikullani taj qankunaqa mana qhawarinawaykichejta munasqaykichejman jina. Chantá yuyallanitaj qankuna ukhupi kananta churanakuykuna, qhawanakuykuna, phiñanakuykuna, t'aqanakuykuna, sajra rimaykuna, thutuykuna, jatunchakuykuna, ch'ajwaspi pejtunakus ima.