1 Corintios 1:27 - Qheshwa Biblia DC

^27-29 Diostaj ajllarqa kay pachapi wampu kajta, yachayniyojkunata p'enqachinampaj; kay pachapi pisi kallpayojtataj Diosqa ajllarqa, sinch'i kallpayojkunata p'enqachinampaj; kay pachamanta mana walej kajta, qhesachasqata, mana kasqanta ajllarqa, kajtapis chinkachinampaj, ama pipis Diospa ñaupaqempi, may wapu runaykachanampaj.

DIOSPA QHELQACHISQAN DEUTEROCANONICAL

²⁷ Diostajrí kay pachapi wampupaj qhawasqa kajkunata ajllakorqa yachayniyojkunata p'enqachinanpaj. Ajllakullarqataj kay pachapi pisi kallpayojkunata p'enqachinanpaj.

DIOSPA QHELQACHISQ

²⁷ Diostajrí kay pachapi wampupaj qhawasqa kajkunata ajllakorqa yachayniyojkunata p'enqachinanpaj. Ajllakullarqataj kay pachapi pisi kallpayojkunata p'enqachinanpaj.

Quechua South Bolivia: Dios Parlapawanchej

²⁷ Astawanpis Dioska runaspaj mana yuyayniyoj cajta ajllacorka yachaysapacunata p'enkachinanpaj. Dioska runaspaj mana callpayoj cajta ajllacorka callpasapacunata p'enkachinanpaj.

1 Corintios 1:27 Referans Kwoze

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

1 Corintios 1:20

Maypitaj kashan chay yachayniyoj? Maypitaj chay yachachejri? Maypitaj kay mundoj yachaykunasninmanta churanakoj? Manachu Diosqa kay mundoj yachaynintaqa locoyacherqa?

Salmos 8:2

Juch'uy wawas ñuñojkunapis atiyniykita qhaparinku. Chay qhaparisqaykutawanqa, qan enemigosniykoj ñaupaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj.

Isaías 29:14

Chayrayku, kay runastaqa jatuchaj t'ukuna imasta ruwaspa t'ukushajta saqesaj. Yachayniyojkunasniyoj yachaynenqa chinkaponqa, yuyayniyojkunaj yuyayninkupis manaña kanqachu.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

2 Corintios 4:7

Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.

San Mateo 21:16

Nerqankutaj Jesusman: Uyarinkichu kaykuna imatachus nisqankuta? Jesustaj kuticherqa: Arí, uyarini. Qankunarí, manachu jayk'ajpis Escrituraspi leerqankichej: Wawaspa siminwan ñuñojkunawan ima, allinta yupaychasqankuta?

Sofonías 3:12

Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.

2 Corintios 10:10

Cartasniymanta pichá nin sinch'i phiñas kasqankuta; ñaupaqenkupi kashajtiytaj pisi kallpayoj kasqayta nin, parlasqaypis qhesachasqa.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

San Mateo 9:9

Chaymanta rishaspa, Jesús rikorqa Mateo sutiyoj runata, impuesto jap'inampi tiyashajta, nerqataj: Noqawan jaku. Paytaj sayariytawan Jesuswan rerqa.

Hechos 17:18

Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

Hechos 7:54

Jatun juntapi Kuraj kamachejkunaqa, Estebampa parlasqanta uyarispa, maytapuni phiñakorqanku sonqosninkupi, kirusninkutataj k'arurakorqanku paypa contranta.

Hechos 7:35

Kaymin chay Moisesqa pitachus israelitakuna qhesachaspa nerqanku: Pitaj qanta churasorqa, kamachejniyku, juezniykutaj kanaykipajri? Paytataj Dios kacharqa, paykunaj kamachejnin kanampaj, kacharichejnintaj; chay larwashaj zarzapi ángel rikhurejnejta.

Isaías 44:25

Llullakojkunaj señalesninkuta pantachini, layqastapis t'ojpichini, yachayninkutapis mana kajman tukuchini.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.

1 Corintios 2:12

Noqanchejtaj mana kay mundoj espirituntachu jap'erqanchej. Diosmanta jamoj Espirituta jap'erqanchej, yachananchejpaj imatachus Dios khuyakuywan qowasqanchejta.

Números 22:30

Burroqa nillarqataj: Noqaqa qampa burroyki kani, qanqa sapa kuti noqapi purinki rantiwasqaykimanta kunankama. Nitaj jayk'ajpis kay jinata purejchu kani qanta apaykachasuspa. Balaamtaj, arí, jinapuni, nerqa.