1 Corintios 1:20 - Qheshwa Biblia DC

²⁰ Maypitaj kashan chay yachayniyoj? Maypitaj chay yachachejri? Maypitaj kay mundoj yachaykunasninmanta churanakoj? Manachu Diosqa kay mundoj yachaynintaqa locoyacherqa?

DIOSPA QHELQACHISQAN DEUTEROCANONICAL

²⁰ Ajinaqa, maytaj chay yachayniyojri? Maytaj chay yachachejri? Maypitaj kay pachapi kaj imakunamanta churanakoj kashanri? Diosqa payta mana qhatejkunaj yachayninkuta p'enqaypi rikhuricherqa.

DIOSPA QHELQACHISQ

²⁰ Ajinaqa, maytaj chay yachayniyojri? Maytaj chay yachachejri? Maypitaj kay pachapi kaj imakunamanta churanakoj kashanri? Diosqa payta mana qhatejkunaj yachayninkuta p'enqaypi rikhuricherqa.

Quechua South Bolivia: Dios Parlapawanchej

²⁰ Cachun yachaysapa, cachun yachachej, cachun cay pacha imasmanta unanchajpis, Diospa ñaupakenpeka manacajmin. Cay pacha runaj yachayninta Dioska mana yuyayniyoj caskanta ricucherka.

1 Corintios 1:20 Referans Kwoze

Romanos 1:22

Yachaysapasman tukuspa wampuyarqanku.

Job 12:17

Diosqa yachayniyojkunaj yachayninta chinkachichin; cheqanchajkunatapis locoyachin.

1 Corintios 3:19

Kay pacha yachayqa qhasi mana kaj Diospajqa. Escribisqapipis nishan: Dios urmachin yachayniyojkunata, llulla yachaynillankupitaj.

1 Corintios 1:19

Escribisqamin kashan: Chinkachisaj yachayniyojkunaj yachayninkuta, qhesachasajtaj yuyayniyojkunaj yuyayninkuta.

Isaías 44:25

Llullakojkunaj señalesninkuta pantachini, layqastapis t'ojpichini, yachayninkutapis mana kajman tukuchini.

Job 12:24

Diosqa uj nacionmanta kurajkunaj yuyayninta qhechun. Mana mayman riy atina ch'in pampapi pawichin.

1 Corintios 2:6

Chaywampis parlayku yachaykunamanta yachajpura, mana kay mundoj yachayninmantachu, nitaj kamachejkunaj yachayninmantachu; imaraykuchus chay yachaykunaqa chinkananku tiyan.

Isaías 53:1

Mana pipis creenchu kay willasqaykutaqa; manallataj pipis Señorpa atiynintaqa repararqachu.

Isaías 33:18

Chay jina t'ukunapaj jina kasqanta rikuspa sonqoykipi ninki: Maytaj kunan impuestota yupajri? Maytaj kunan impuestota pesaj runari? Maytaj kunan torresta yupaj runari?

Job 12:20

Pikunachus cheqanta yuyaychajkunatapis mana palabrayojta saqen, kurajkunatapis sumaj yuyayninkuta chinkachin.

2 Samuel 17:23

Ahitofeltaj chay yuyasqanman jina mana junt'akusqanta rikuspataj, burronta sinchaykuspa wasinman riporqa, maypichus tiyakoj chay llajtaman. Wasimpi ayllusninwan imachus ruwanasninta junt'aytawankama rispa sipikamorqa. P'ampamorqankutaj tatampa p'ampakunan covachaman.

2 Samuel 17:14

Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

2 Samuel 16:23

Chay tiempopeqa Ahitofelpa umachasqanta jap'ikoyqa, Diospa palabranta jap'ikuywan ninakorqa. Ahitofelqa chay jina uyarisqa karqa Davidpaj jinataj Absalompajpis.

2 Samuel 15:31

Davidman willajtinkukamataj, Ahitofelpis Absalonman kutisqa kasqanta, chaypacha Davidqa Señormanta mañarqa Ahitofelpa umachayninta pantachinampaj.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

Hechos 17:18

Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

Romanos 1:20

Diospa mana rikukoj imasnenqa, sut'ita rikuchikunku, paypa ruwasqasninnejta, mundoj ruwakusqanmantapacha. Chaykunaqa kanku: Wiñay atiynin, Dios kasqan ima. Chayrayku mana ninkumanchu imatapis mana yachasqankutaqa.

1 Corintios 1:26

Chayrayku, hermanos, qhawarikuychej wajyasqas kasqaykichejta. Aychaman jina mana ashkhachu kankichej yachayniyojkunaqa, manataj ashkhachu atiyniyojkuna, manallataj ashkhachu qhapajkunapis.

1 Corintios 1:27

Diostaj ajllarqa kay pachapi wampu kajta, yachayniyojkunata p'enqachinampaj; kay pachapi pisi kallpayojtataj Diosqa ajllarqa, sinch'i kallpayojkunata p'enqachinampaj; kay pachamanta mana walej kajta, qhesachasqata, mana kasqanta ajllarqa, kajtapis chinkachinampaj, ama pipis Diospa ñaupaqempi, may wapu runaykachanampaj.

1 Corintios 2:8

Manataj pipis kamachejkunamanta kay pachapi rejserqachu kay imastaqa; rejsinkumanchus karqa chayqa, mana jayk'ajpis chakatankumanchu karqa janaj pacha k'anchayniyoj Señorta.

1 Corintios 3:18

Amataj qan kikiykita ch'aukiyakuychu; pillapis kay pachapi qankuna ukhupi yuyanman yachayniyoj kasqanta chayqa, mana yachayniyojman tukuchun, cheqamanta yachayniyoj kanampaj.

1 Corintios 6:2

Chayrí, manachu yachankichej kay mundota Diospa ajllasqasnin juzgananta? Qankunanejtachus kay mundo juzgasqa kanqa chayqa, manachu atiwajchej juch'uy imasta juzgaytaqa?

1 Corintios 11:32

Juchachasqas kanchej chayqa, Señor jasut'iwanchej, ama mundowan khuska wañuyman rinanchejpaj.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.