1 Corintios 1:10 - Qheshwa Biblia DC

¹⁰ Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

DIOSPA QHELQACHISQAN DEUTEROCANONICAL

¹⁰ Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

DIOSPA QHELQACHISQ

¹⁰ Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

Quechua South Bolivia: Dios Parlapawanchej

¹⁰ Hermanosníy, mayta nishayquichej Señorninchej Jesucristoj sutinpi tucuyniyquichej uj yuyayllapi causacuychej. Ama t'akaskaska caychejchu. Astawanpis allinyaskas uj yuyayllapi uj munayllapitaj caychej.

1 Corintios 1:10 Referans Kwoze

1 Corintios 12:25

Ama cuerpopi tukuy imas t'aqanakunankupaj, astawanqa paykunapura qhawarinakunankupaj.

Romanos 12:16

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

2 Corintios 13:11

Kunanqa hermanos, kusikuychej, sumajta kausaychej, sonqo tiyakuypi uj yuyaylla kaychej, sonqo tiyakuypi kausakuychej, munakoj sonqo tiyachej Diostaj qankunawan kachun.

Salmos 133:1

Rikuychej imayna sumajchus, wauqepura uj sonqolla k'achata kausanankoqa.

1 Corintios 11:18

Kunanqa, iglesia jina tantakojtiykichej uyarini qankuna ukhupi t'aqanakus kasqanta; uj chhikamanta yuyani ajinapuni kasqanta.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

Romanos 16:17

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

1 Corintios 4:16

Chayrayku, mañakuykichej noqa jina kanaykichejta.

Hechos 4:32

Chay chhika creejkuna uj yuyaylla, uj sonqolla karqanku. Mana pipis nejchu kapuynin paypata kasqanta. Manachayqa tukuy imas tukuyninkojta karqa.

Jeremías 32:39

Munayniyoj kanankuta ruwasaj yupaychanawankupaj tukuy kausayninkupi, yupaychaj churakunawankupaj paykunaj allinnillankupajtaj, jinataj wawasninkupajpis.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

1 Tesalonicenses 5:13

Ruwasqasninkuraykutaj may munakuywan, paykunata allimpaj qhawaychej. Sonqo tiyakuywantaj qankunapura kausakuychej.

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

San Juan 10:19

Judiostaj chay nisqanta uyarispa, ujtawan paykunapura churanakorqanku.

1 Pedro 2:11

Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku.

2 Timoteo 4:1

Kayta niyki tukuy sonqowan, mañakuyki Diospa ñaupaqempi, Cristo Jesuspa ñaupaqempi ima. Pay jamonqa kausajkunata, wañusqastapis jamuynimpi reinompi juzganampaj.

Filipenses 3:16

Kayman chayamuspataj uj yuyaylla, uj kamachiyllapitaj kausanachej.

2 Corintios 10:1

Noqa Pablo willaykichej, Cristoj k'acha misk'i sonqonrayku. Qankunawan kashaspaqa k'umuykukoj kani, qankunamanta karupi kashaspataj phiña sonqo kani.

San Juan 7:43

Ajinata ninakuspa, Jesusrayku iskayman t'aqanakorqanku.

Marcos 2:21

Jesús nillarqataj: Mana pipis t'irinmanchu mauk'a p'achaman mosoj trapotaqa, imaraykuchus mosoj trapoqa q'entispa aswan jatunta llik'irparinman mauk'a p'achataqa.

San Mateo 9:16

Mana pipis t'irinmanchu mauk'a p'achaman mosoj trapotaqa. Mosoj trapoqa q'entispa aswan jatunta llik'irparinman mauk'a p'achataqa.

1 Timoteo 5:21

Kayta kamachiyki Diospa ñaupaqempi, Señor Jesucristoj ñaupaqempipis, ajllasqa angelespa ñaupaqempi ima. Kay imasta jallch'anaykita munani ama ñaupajmantapacha pitapis sajrapaj qhawaspa, nitaj pimampis kutikuspa.

2 Tesalonicenses 2:1

Kunanqa, hermanos, mañakuyku Señorninchej Jesucristoj jamuyninmanta, paywan tantakunanchejmantawan, ama yuyayniykichejta usqhayllata kuyuchinaykichejta, nitaj musphanaykichejta, ni ima espiriturayku, ni ima parlayrayku, nitaj ni ima cartarayku, noqaykojpatapis kanman jina, Señorpa p'unchayninñapis ancha qayllapiña kashanman jina.

Gálatas 4:12

Mañakuykichej hermanos, noqa jina kanaykichejta. Noqapis qankuna jina karqani. Noqapajqa mana ima sajratapis ruwarqankichejchu.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

Romanos 15:30

Hermanos, mañakuykichej Señorninchej Jesucristonejta, Santo Espíritoj munakuynimpi ima, Diosmanta mañapunawaykichejta, noqawan khuska ñak'arispa; Judeapi mana kasukoj runakunamanta Dios jark'anawampaj. Kay apashani chay ofrendataj Jerusalempi creejkunapaj allin kachun; Diospa munayninman jina kusisqa chayamunaypaj, qankunawan khuskataj kusisqa samarikunaypaj.

San Juan 9:16

Chaypacha wakin fariseos nerqanku: Chayta ruwaj runaqa mana Diosmantachu kanman; payqa samakuna p'unchayta mana waqaychanchu. Wakintaj nisharqanku: Imaynatataj uj juchasapa runa, chay jina milagrosta ruwanmanri? Ajinamanta paykunapurapi t'aqanakuy karqa.

Romanos 1:13

Hermanos, munani yachanaykichejta, ashkha kutita qankunajman jamuyta munasqayta. Manataj aterqanichu, qankuna ukhupi, Espiritupi ima poqoyllatapis jap'inaypaj, gentiles ukhupi jina.

1 Corintios 1:11

Hermanosníy, Cloejpa kajkunamanta willawarqanku, qankuna ukhupi churanakuykuna kasqanta.

2 Corintios 13:9

Chayrayku noqayku kusikuyku pisi kallpas kasqaykumanta, qankuna sinch'is kasqaykichejmantapis. Noqaykoqa Diosmanta mañallasqaykupuni allin kanaykichejpaj.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

Josué 22:15

Tukuyninku rerqanku Galaadman, maypichus kasharqanku Rubén ayllu, Gad ayllu, Manasespa khuskan ayllun ima chayman, chayaspataj nerqanku:

Marcos 3:24

Jesús nillarqataj: Sichus uj suyoka iskayman t'aqasqa kanman chayqa, chay suyoqa manaña sayanmanchu.