1 Corintios 1:1 - Qheshwa Biblia DC

¹ Noqa, Pablo, wajyasqa kani Diospa munayninrayku, Jesucristoj apostolnin kanaypaj, hermano Sosteneswan ima.

DIOSPA QHELQACHISQAN DEUTEROCANONICAL

¹ Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

DIOSPA QHELQACHISQ

¹ Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

Quechua South Bolivia: Dios Parlapawanchej

¹ Noka, Pablo, Cristo Jesuspa cachan cani. Cachan canaypaj Dios ajllawarka paypa munayninnejta. Hermanonchej Sostenes nokawan cashan.

1 Corintios 1:1 Referans Kwoze

Romanos 1:1

Noqa Pablo, Jesucristoj kamachin kani, apóstol kanaypaj wajyasqa, Diospa evangelionta willanaypaj t'aqasqa.

Efesios 1:1

Noqa Pablo, Diospa munayninrayku Jesucristoj apostolnin kani. Kay cartata escribimuni Efeso llajtayoj Diospa ajllasqasninman, Jesucristopitaj creejkunaman.

2 Corintios 1:1

Noqa Pablo, Jesucristoj apostolnin kani Diospa munayninrayku. Kay cartata escribimuni hermano Timoteowan khuska, Corinto llajtapi kaj Diospa iglesianman, tukuy Acayapi creejkuna kajkunaman ima.

Colosenses 1:1

Noqa Pablo, Diospa munayninrayku Jesucristoj apostolnin, hermano Timoteowan khuska, kay cartata escribimuni, Colosas llajtapi ajllasqas hermanos Cristopi kajkunaman. Khuyakuy, sonqo tiyakuytaj qankunapaj kachun, Dios Tatanchejmanta, [Señorninchej Jesucristomantawan.]

Hechos 18:17

Tukuyninkutaj jap'iykorqanku uj sinagogapi kamachejta, Sóstenes sutiyojta. Juzgadopitaj payta maqarqanku. Galiontaj mana rikoj tukorqa.

2 Timoteo 1:1

Noqa Pablo, Jesucristoj apostolnin kani, Diospa munayninrayku, Cristo Jesuspi kausay kasqanrayku Diospa qosqayki nisqanman jina.

1 Timoteo 2:7

Chaypi willaj apostoltaj churasqa karqani, cheqata nini mana llullakuspa, gentilespa yachachejnin, fepi, cheqa kajpitaj.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Efesios 4:11

Pay kikillantaj churarqa wakinta apostolesta, wakinta profetasta, wakinta evangelistasta, wakinta michejkunata, wakintarí yachachejkunata, ajllasqas, ruwaypi allin wakichisqas kanankupaj, ajinapi Cristoj iglesian wiñanampaj; tukuyninchej ujllata creenanchejkama Diospa Churinta rejsinanchejpaj, cheqan runas kananchejpaj, Cristoj junt'aynimpa sayayninman chayananchejkama; amaña wawas jinachu kananchejpaj, waj yachachiykunawan wayrawan jina kayman jaqayman apaykachachikuspa. Chaykunataqa runakunalla wakichinku, misk'i parlaywan ch'aukiyaspa tojllawan jina pantachinankupaj.

Gálatas 1:1

Noqa Pablo, apóstol kani, mana runaspa churasqanchu nitaj paykunaj kachasqanchu. Manachayqa Jesucristonejta churasqa kani, Dios Tatanejtataj; pichus Cristota wañusqakunamanta kausarichimorqa.

Hechos 22:21

Chantá Jesús niwarqa: Puririllayña; karu llajtasman kachasqayki, nispa.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

2 Corintios 12:12

Chay tukuywampis qankuna ukhupi pacienciawan llank'arqani. Rikuchisqataj karqa señales, milagros, atiykuna ima cheqa apóstol kasqaymanta.

2 Corintios 11:5

Yuyanitaj noqa mana aswan pisichu kasqayta chay jatuchaj apostolesmantaqa.

1 Corintios 15:9

Noqaqa aswan juch'uy kani apostolesmanta, manataj apóstol sutiyoj kanaypaj jinachu kani, Diospa iglesianta qhatiykachasqayrayku.

1 Corintios 3:9

Paykunapis noqaykupis Diospaj llank'ayku, qankunataj Diospa chajran kankichej, chayri Diospa ruwasqan wasi jina kankichej.

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

San Lucas 6:13

Sut'iyamojtintaj wajyarqa yachachisqasninta, paykunamantataj ajllarqa chunka iskayniyojta, suticharqataj apostolesta.

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

Romanos 1:10

Jinallataj mañakushanipuni imaynallamantapis Diospa munaynin kajtin qankunata watukoj allinta jamunaypaj.

2 Corintios 8:5

Mana suyasqaykuman jinachu karqa, astawanqa paykunaraj ñaupajta Señorman jaywarqanku, chaymantataj noqaykuman Diospa munasqanman jina.