ZACARÍAS 9:4 - Dios Rimashcata Quillcashcami

⁴ Shina cacpipish, Mandac Diosca paicuna charishcacunataca quichungami. Shina quichushpami, paicuna alli nishcataca mana cuchapi chingachinga. Cutin chai llactataca ninami tucuchinga.

ZACARÍAS 9:4 Referans Kwoze

EZEQUIEL 28:18

Can yallita charingaraicu catushpa, randishpa llaquichishpami cambac diospac huasita yangapi churashpa juchallircangui. Chaimantami pueblo chaupipi ninata japichishpa, tucuita tucuchisha. Cai pacha tucuipac ñaupapimi cantaca uchupallata saquisha.

EZEQUIEL 26:17

Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

AMÓS 1:10

Chaimantami Tiro llacta muyundi pircapica ninapica churasha. Chai ninami mandashpa tiyana huasicunatapish tucui rupachinga» ninmi.

JOEL 3:8

Cancunapac churicunata, ushicunataca Judá llactapi causaccunamanmi catusha. Cutin paicunaca caru llactapi cac Sabá llacta runacunamanmi catunga. Chaitaca Mandac Dios ñucami nini.

EZEQUIEL 28:16

Yallita catushpa, randishpa causashpami yalli mana allita ruhuashpa juchallircangui. Cuidac querubinmi cantaca Mandac Dios ñucapaclla urcumantapish, nina rupacuc rumi chaupimantapish anchuchirca.

EZEQUIEL 28:8

Canca manchana jutcumanmi urai ringui. Chashnami mama cucha chaupipi huañuccuna shina huañungui.

EZEQUIEL 28:2

«Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 10:2

Shuhuashpa charishcacunaca imapacpish mana valinchu. Ashtahuanpish cashcata ruhuashcaca huañuimanta quishpichinmi.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

ZACARÍAS 9:5

Chaita ricushpaca, Ascalón llactapi causaccunapish, Gaza llactapi causaccunapish yallita llaquirishpa chucchungami. Ecrón llactapi causaccunaca imata mana ruhuai pudishpa, yallita llaquiringami. Gaza llactata jatun mandacpish huañungami. Ascalón pueblopica pipish mana causangachu.