ZACARÍAS 5:4 - Dios Rimashcata Quillcashcami

⁴ Tucuita Mandac Diosca: «Chai llaquicunataca ñucami cacharcani. Chai llaquimi shuhuaccunapac huasimanpish, ñuca shutipi llullashpa ari niccunapac huasimanpish chayanga. Chashnami paicunapac huasicunapi tiyac caspicunatapish, rumicunatapish tucuchinga» ninmi.

ZACARÍAS 5:4 Referans Kwoze

PROVERBIOS 3:33

Mandac Diosca paita mana manchacpac huasitaca maldiciangami. Ashtahuanpish cashcata ruhuacpac huasitaca bendiciangami.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

JOB 18:15

Paipac huasipica, mana paipac huasipi shinami causanga. Paipac huasi jahuapica azufremi shic-huashca canga.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

JOB 20:26

Paipac charishcacunata tucuchingapacca manchana amsami huacaichishca tiyacun. Manapish pucuna ninami paitapish, paipac huasipi tiyaccunatapish tucuchinga.

ISAÍAS 24:6

Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

OSEAS 4:3

Chaimantami cai llactaca duelo churanata churarishca shina llaquilla canga. Cai llactapica tucuimi huañunga. Sacha animalcunapish volac animalcunapish, mama cuchapi causac challuacunapish huañungami.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

ZACARÍAS 8:17

Ama cancunapac shungupi shuccunata mana allita yuyaichicchu. Ama llullashpa ari nichicchu. Ñucaca tucui chaicunatami piñani» ninmi.

DEUTERONOMIO 28:16

Pueblopipish, campopipish mana alli nishcami canguichic.

JOSUÉ 9:20

Paicunahuanca caitami ruhuana canchic: Paicunataca causachun saquinallami canchic. Paicunahuan ari nishca jahua paicunata huañuchicpica, Diosca ñucanchic-huan yallita piñaringami. Chaimanta mana huañuchinachu canchic— nirca.

JOB 8:15

Chai ahuashcapi taunallicpica urmanllami. Chai ahuashcapi japiricpica pitirinllami.

JOB 8:22

Canta piñaccunaca yallitami pingaichishca canga. Diosta mana manchaccunapac huasicunaca chingaringami» nirca.