ZACARÍAS 5:2 - Dios Rimashcata Quillcashcami

² Chai ángel ñucata tapushpaca: —¿Imatatac ricucungui?— nirca. Shina nicpimi ñucaca: —Largomanca iscun metro, anchomanca chuscu metro chaupi pillushca cara huairapi rictami ricucuni— nircani.

ZACARÍAS 5:2 Referans Kwoze

ZACARÍAS 4:2

Chai ángel tapushpaca: —¿Imatatac ricungui?— nirca. Shina tapucpimi ñucaca: —Aceiteta churana curi candelerota, cutin chai jahuapica canchis lamparacunatapish, canchis tubocunatapishmi ricucuni.

SOFONÍAS 1:14

Mandac Dios llaquichina punzhami ña shamucun. Chai punzhaca utcami chayamucun. Mandac Dios llaquichicui punzhaca jatun llaqui huacaimi canga. Chai punzhaca yalli sinchi runapish llaquinayaitami caparinga.

AMÓS 7:8

Mandac Dios chaita ricuchishpaca: —Amós, ¿imatatac ricucungui?— nirca. Shina tapucpimi ñucaca: —Albañilpac plomadatami ricucuni— nircani. Shina nicpimi, Mandac Diosca: —Cai albañilpac plomadahuanmi ñuca acllashca israelcunataca ricugrini. ¡Paicunataca mana ashtahuan llaquishachu!

APOCALIPSIS 18:5

Paicunapac juchacunaca ashtahuan ashtahuan mirarishpami, jahua pachacaman chayashca. Shinallatac tucui paicunapac juchata ricushpami, Diosca llaquichinata yuyarishca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

JEREMÍAS 36:2

«Quillcana carata japishpa, chaipi Josías causacui punzhacunamanta cunan punzhacaman israelcunata, Judá llactapi causaccunata, shuctac llactapi causaccunata ima shina llaquichinata tucui quillcai.