ZACARÍAS 4:3 - Dios Rimashcata Quillcashcami

³ Candeleropac ishcai ladopica olivos yuracuna, shucca alli ladoman, shucca lluqui ladoman shayacuctami ricuni— nircani.

ZACARÍAS 4:3 Referans Kwoze

APOCALIPSIS 11:4

Chai ishcai huillaccunaca cai pachata Mandac Diospac ñaupapi shayacuc ishcai olivos yuracuna, shinallatac ishcai candelerocunami can.

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

ROMANOS 11:17

Maijan israelcunaca alli olivos yuramanta pitishca rama shinami. Cutin can mana Israelca, sacha olivos ramata pitishpa, alli olivos yurapi llutashca shinami cangui. Chaimantami canca chai sapimanta huiñashca yura shina, causaita japishcangui.

ROMANOS 11:24

Canca paillatac huiñashca sacha olivos yuramanta pitishpa, alli olivos yurapi churashca shinami cangui. Ashtahuanpish israelcunacarin alli olivos yura ramacuna cashcamantaca, quiquin yurallapitacmi Diosca churanga.

JUECES 9:9

Shina nicpi, olivos yuraca: “¿Ñucaca cancunata mandac tucungaraicullachu Diosmanpish, runacunamanpish aceiteta cunataca saquisha?” nirca.

ECLESIASTÉS 12:6

Cullqui cadena manarac pitiricpi, curi plato manarac paquiricpi, yacu jundu cuchupi puñu manarac paquiricpi, yacu jundumanta yacu aisana manarac pitirishpa ucuman urmacpi, canta ruhuac Diosta yuyaringui.