ZACARÍAS 3:4 - Dios Rimashcata Quillcashcami

⁴ Chai angelca paipac ñaupapi shayacuccunata mandashpaca: «Chai mapa churanata llucchichic» nirca. Chai quipami Josuetaca: «Riqui, cambac juchacunata anchuchishpami sumac churanata churachini» nirca.

ZACARÍAS 3:4 Referans Kwoze

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

ZACARÍAS 3:7

«Tucuita Mandac Diosca: “Ñuca yachachishca shina causashpa, mandashcacunatapish punzhanta alli pactachishpaca, ñuca huasipi mandanguimi. Shinallatac ñuca huasi canzha pambatapish cuidangui. Chashna ruhuacpica, caipi shayacucpura shinatami cantaca ruhuasha.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

HEBREOS 8:12

Ñucami tucui paicunapac juchacunata perdonasha, shinallatac paicunapac juchacunatapish ña mana ashtahuan yuyarishachu» ninmi.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

ZACARÍAS 3:9

Riquichic, Josuepac ñaupapimi canchis ñahuiyuc shuclla rumita churasha. Chai rumipica ñucami sellota churasha. Shuc punzhallami cai llactapi causaccunapac juchataca anchuchisha.

SALMOS 51:9

Ñuca juchacunataca ama ricuichu. Tucui ñuca mapacunata pichailla.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

SAN LUCAS 1:19

Shina nicpimi angelca: —Ñucaca Diospac ñaupapi, paita servic ángel Gabrielmi cani. Paimi canman cai alli huillaita huillachun cacharca.

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

APOCALIPSIS 5:11

Chai quipa ricushpaca, mandashpa tiyarinapac, causaita chariccunapac, shinallatac chai yuyaccunapac muyundicpimi achca angelcunapac rimashcata uyarcani. Chai angelcunaca huaranga, huaranga, mana yupaipac mai achcacunami carca.

SAN MATEO 22:11

Jatun mandac ucuman yaicushpaca, boda churanata mana churarishca runatami ricurca.

EZEQUIEL 42:14

Curacunaca Diospaclla ucumanta canzha pambamanca mana chai churanallahuantac llucshinachu can. Ashtahuanpish Diospacta ruhuangapac churanacuna Diospaclla cashcamantami, chai churanata ucullapitac saquishpa, shuctac churanata churarishpa gentecunapacmanca llucshina can» nirca.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

JEREMÍAS 52:33

Carcelpi churarinata llucchishpami, shuctac alli churanata churachirca. Chai punzhamanta pachami Joaquinca paipac tucui causaipi chai llactata jatun mandac-huan punzhanta mizapi micushpa causarca.