ZACARÍAS 13:2 - Dios Rimashcata Quillcashcami

² Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

ZACARÍAS 13:2 Referans Kwoze

1 REYES 22:22

Shina nicpi, chai espirituca: ‘Ñuca rishpaca, paipac tucui huillaccunapimi llullashpa huillana yuyaita churasha’ nirca. Shina nicpimi, Mandac Diosca: Canca umanguimi, can nishca shinata ruhuangapac rilla” nirca.

OSEAS 2:17

Baal dios nishpa rimanataca cungaringacunami. Chai diostaca mana ashtahuan yuyaringachu.

ÉXODO 23:13

Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

SAN LUCAS 11:20

Ashtahuanpish ñucaca Diospac poderhuanmi supaicunata llucchishpa cachani. Chashna ruhuashpaca, cancunapurapi Dios mandai callarishcatami ricuchicuni.

SAN MATEO 12:43

Shuc runamanta supai llucshishpaca, shitashca pambacunapi samarinata mashcashpami purin. Samarinata mana tarishpaca:

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

EZEQUIEL 37:23

Paicunaca ruhuashcalla dioscunata adorashpapish, millana juchacunata ruhuashpapish, tucuilaya juchacunata ruhuashpapish ña mana ashtahuan mapayangachu. Ashtahuanpish ñucata mana cazushpa, juchallishcataca pichashami. Tucuita pichashpami ñuca acllashcacunata ruhuasha. Ñucaca paicunapac Diosmi casha.

EZEQUIEL 14:9

Ñuca ima nishcata huillac llullashpa huillachunca, ñucallatacmi cacharcani. Paicunataca llaquichishpami, ñuca acllashca israelcunapac chaupimanta anchuchisha.

EZEQUIEL 13:23

Chaimantami muscuipi shina yangalla ricunatapish mana ricunguichic. Mana llullashpa huillanguichic. Ñuca acllashcacunataca cancunapac maquimantami cacharichisha. Shina ruhuacpimi, ñucataca Mandac Dios cashcata yachanguichic” ninmi ningui» nirca.

JEREMÍAS 29:23

Paicunaca israelcunapurapica huainayashapami yalli mana allita ruhuarca. Manapish ñuca huillachun cachacpimi, llullashpa ñuca shutipi huillarca. Chaitaca tucuimi yachani, ñucami chaitaca ricurcani. Chaitaca Mandac Dios ñucami nini» ninmi nirca.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

ISAÍAS 2:18

Ruhuashcalla dioscunatapish tucuimi anchuchishca canga.

SALMOS 16:4

Shuctac diosta serviccunaca yallitami nanaicunahuan canga. Ñucaca chai dioscunamanca ima animalcunapac yahuarta cushpa, mana chirapashachu. Chaicunapac shuticunataca mana rimashachu.

JOSUÉ 23:7

Chai llactapi saquirishpa, cancunapac chaupipi causaccunahuanca ama tandanacunguichicchu. Paicunapac dioscunapac shutipi ama imatapish ari ninguichicchu. Paicunapac shutitaca ama rimanguichicchu. Chai dioscunata ama servinguichicchu. Ama paicunapac ñaupapi cumuringuichicchu.

DEUTERONOMIO 12:3

Altarcunatapish, adorana rumicunatapish tigrachinguichic. Asera huarmi diosta yuyarina yuracunatapish ninapi rupachishpa, polvoshpa, paicunapac shuticunata chai llactapi chingachinguichic.

ÉXODO 22:13

Chai animalta ima sacha animal polvoshca cacpica, chai huañushca puchutami animalyucman ricuchigrina can. Chashnami chai animalyucman mana cutichina can.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

EZEQUIEL 6:6

Cancuna causana llactacunapish, lomacunapi tiyac altarcunapish chingachishcami canga. Cancunapac altarcunaca tucui polvoshca, ruhuashcalla dioscunaca paquishca, inciensota rupachina altarcunaca tucui chingachishcami canga. Shinallatac cancuna ima ruhuashcapish tucui chingachishcami canga.

EZEQUIEL 12:24

Israelcunapurapica yanga muscuipi shina ricuccunapish, llullashpa huillaccunapish jaicapi mana tiyangachu.

EZEQUIEL 36:29

Cancunamantaca tucui mapatami anchuchisha. Yarcai ama tiyachunca achca trigotami pucuchisha. Yarcaica ña mana ashtahuan tiyangachu.

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

EZEQUIEL 43:7

Chaipi rimashpaca: «Huañunalla runa, caipimi ñuca tiyarinaca. Ñuca chaquicunataca caipimi samachisha. Caipimi israelcunahuan huiñaita causasha. Cunanca israelcunapish, jatun mandaccunapish ña mana huainayashpa, jatun mandac huañushca cuerpota lomacunapi tiyac altarcunapi churashpa, ñuca shutita mapayachingachu. Ruhuashcalla dioscunatapish ña mana ashtahuan adorangacunachu.

OSEAS 2:19

Israel llactalla, cunanca canhuanmi huiñai huiñaipac cazarasha. Canman cashcata ruhuangapac, allita mandangapac, sumac cangapac, llaquic cangapacmi cazarasha.