ZACARÍAS 12:5 - Dios Rimashcata Quillcashcami

⁵ Judá llacta soldadocunata mandaccunaca paicunapac shungupica: “¡Jerusalenpi causaccunaca tucuita Mandac Diosmantami fuerzata charin!” ninga.

ZACARÍAS 12:5 Referans Kwoze

ZACARÍAS 10:12

Mandac Dios ñucami paicunataca sinchiyachisha. Chaimantami ñuca shutita mañashpa puringa» ninmi.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

SALMOS 18:32

Diosmi alli chumbillichic shina fuerzata cun. Paimi ñucataca mana pandarishpa causachun cuidan.

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 18:39

Chumbillichic shina fuerzata cushpami jatun macanacuipipish mishachingui. Ñucata piñaccunataca ñuca chaqui ucupimi churangui.

ISAÍAS 28:6

Paica allita ricushpa mandaccunamanca cashcata ruhuana yuyaitami cunga. Llacta pungupi cuidac soldadocunataca yallitami sinchiyachinga.

ZACARÍAS 12:6

Chai punzhapica Judá llacta mandaccunataca ninapi churana fierrota shinata, trigo chagra chaupipi antorcha japiricuc shinatami ruhuasha. Shina ruhuacpimi, muyundi llactacunataca alli ladopi causaccunatapish, lluqui ladopi causaccunatapish tucuchinga. Ashtahuanpish Jerusalenpi causaccunaca paicuna causashcallapitacmi causacunga.

ZACARÍAS 10:6

Ñucaca Judapac huahuacunataca sinchiyachishami. Josepac huahuacunataca quishpichishami. Paicunata llaquichishpami cutichimusha. Paicunaca jaicapi mana pingai tucushca shinami canga. Ñucaca Mandac Dios cani. Paicuna mañashcataca uyashami.

JEREMÍAS 33:26

ñucapish Jacobopac huahuacunataca shitaimanmi. Ñucata servic Davidpac huahuacunatapish cungarimanmi. Shuc punzha Abrahampac, Isaacpac, Jacobopac huahuacunata mandachunca, Davidpac huahuacunataca ña mana mandachun churaimanchu. Ashtahuanpish ñucallatacmi caimanta prezu apashcacunataca llaquishpa cutichimusha» nirca.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

ISAÍAS 60:17

Broncepac randica curita, fierropac randica cullquita, caspipac randica bronceta, rumipac randica fierrotami apamusha. Can mandanapica cushi causaimi tiyanga. Cashcata ruhuashpa mandacmi tiyanga.

ISAÍAS 32:1

Shamuc punzhapica cashcata ruhuac jatun mandacmi mandanga. Shinallatac alli ricushpa, mandaccunapish tiyangami.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 1:26

Utcapi shinallatacmi alli juezcunata, allita cunaccunata churasha. Chashna ruhuacpimi: “Cashcata ruhuac, Diosta alli cazuc llactami” ningacuna.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 1:10

Sodoma pueblota mandaccuna Mandac Dios rimashcata uyaichicyari. Gomorra pueblopi causaccuna ñucanchic Dios mandashcata alli uyaichicyari.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

JUECES 5:9

¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!

ZACARÍAS 12:4

Chai punzhapica tucui caballocunata yallita manchachishpami, caballopi ric soldadocunaca loco shinata ruhuasha. Ñucaca Judá llactapi causaccunataca cuidashami. Tucui shuctac llacta caballocunataca ñahui mana ricuctami ruhuasha.

ZACARÍAS 14:14

Judá llactapi causaccunapish Jerusalenpimi macanacunga. Chai muyundi llactacunapi causaccunapac sumac charishca curita, cullquita, churanacunatami chaipi achcata tandachinga.

ISAÍAS 28:5

Chai punzhapica tucuita Mandac Diosca pai acllashcapuramanta saquirishcacunapacca sumaimana achic nicuc corona shina, umapi churarina diadema shinami canga.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.