ZACARÍAS 10:4 - Dios Rimashcata Quillcashcami

⁴ Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

ZACARÍAS 10:4 Referans Kwoze

ZACARÍAS 9:10

Paica Efraín llacta carretacunatapish, Jerusalenpi causaccunapac caballocunatapish tucuchingami. Macanacuna arcocunapish paquishcami canga. Llactacunapica cushi causaimi tiyanga. Paica shuctac lado mama cuchamantaca chaishuc lado mama cuchacaman, jatun yacumanta cai pacha tucuricamanmi mandanga.

ZACARÍAS 9:8

Ñucaca pipish ama llucshichun, ama yaicuchunmi carpa huasita muyundita cuidashpa shayacusha. Cunan ñuca ñahuihuan ricushpa, cuidacucpica, llaquichiccunaca mana ashtahuan yaicui pudingachu.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

2 TIMOTEO 2:4

Maijanpish soldado cashpaca, paipac ima ruhuanata saquishpami, paita mandac imata nishcallata ruhuan.

SAN MATEO 9:38

Chaimanta ashtahuan tandaccunata cachachun, Chagrayucta mañaichic— nirca.

JEREMÍAS 1:18

Cunan punzhallatacmi cantaca muyundi pircashca llacta, fierro pilar shina, bronce pirca shina cachun churani. Judá llactapi causaccunapacpish, jatun mandaccunapacpish, caishuc mandaccunapacpish, curacunapacpish, cai llactapi causaccunapacpish, sinchi pirca shina cachunmi churani.

ISAÍAS 54:16

Riqui, ninata pucushpa fierrota rupacyachishpa, trabajana fierrota ruhuac runataca ñucami ruhuarcani. Tucuchishpa llaquichic runatapish ñucallatacmi ruhuarcani.

ISAÍAS 49:2

Ñuca rimashcataca filosapa espadata shinami ruhuarca. Paipac maquihuanmi ñucataca llandurca. Ñucataca puntasapa flechata shina ruhuashpami, flechata huacaichinapi huacaichirca.

ISAÍAS 19:13

Zoán llactata mandaccunaca imata mana entendic shinami ruhuashca. Paicunataca Menfis llactata mandaccunami umashca. Huasita ruhuashpa callaripi churana rumi shina Egiptopi causaccunata llullashpa pandachishca.

SALMOS 118:22

Huasichiccuna mana nishca rumillatacmi, huasi callaripi churana tucuimanta yalli alli rumi tucushca.

ESDRAS 9:8

Ashtahuanpish cunanca ñucanchicta Mandac Dioslla, maijancunallatapish llaquichishpa, llaquimanta llucchishpa, imata mana manchashpa, cambac huasipi allita causachunmi llucchishcangui. Ñucanchic Dioslla, shuccunata servishpa causacucpi, samachingapacmi ñahuita pascac shina, sumac punzhata ñucanchicman ricuchishcangui.

1 SAMUEL 14:38

Chaimantami Saulca: —Soldadocunata tucui mandaccuna caiman tandanacuichic. Maijan ima juchata ruhuashcata tapushpa yachaichic.

GÉNESIS 49:24

Paipac maquicunaca mana shaicushpami flechacunata charicurca. Rigracunapish sinchimi carca. Jacobopac imatapish ruhuaclla Diosmi chashna sinchita ruhuarca. Israelcunata michic sinchi Rumi shina Diosmi cuidacurca.

SAN LUCAS 20:17

Jesús paicunata ricushpaca: —Dios quillcachishcapica: “Huasita ruhuaccuna mana nishca, shitashca rumillatacmi, huasita ruhuangapac callaripi churana, tucuimanta yalli rumi tucushca” ninmi. Caimantaca, ¿imatatac yuyanguichic?

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.