ZACARÍAS 10:1 - Dios Rimashcata Quillcashcami

¹ Quipa tamyata cachachun Mandac Diosta mañaichicyari. Mandac Diosmi relampahuan yallita tamyachishpa, verdinlla chagracunatapish, quihuacunatapish huiñachinga.

ZACARÍAS 10:1 Referans Kwoze

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

SANTIAGO 5:7

Cuyashca criccuna, mana piñarishpa Apunchic Jesús cutimungacaman shuyaichiclla. Allpapi tarpuc runaca mana piñarishpami tamyatapish granota tandana punzhatapish shuyacunlla.

EZEQUIEL 36:37

Mandac Dios ñucaca: Israelcuna cutin ñucata mañashcata uyashpami, ovejacunata mirachic shina mirachisha.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

SALMOS 65:9

Cai pachatapish ricungapac shamushpa, tamyachishpami yallita granota pucuchingui. Cambac jatun yacuta tallishpami sumaimana chagrata pucuchingui. ¡Can munashca shinami tucuita ruhuangui!

DEUTERONOMIO 28:23

Cancunapac jahuapi cac cieloca bronce shinami canga. Cutin saruna allpaca fierro shinami canga.

SAN JUAN 16:23

Chai punzhacunapica ña mana ashtahuan imata tapunguichicchu. Ñuca shutipi ñuca Taitaman mañacpica paica cungami. Chaica chashnatacmi canga.

MIQUEAS 5:7

Maijan saquirishca Jacobopac huahuacunapuramanta saquirishcaca Mandac Dios cachashca páramo shina, quihuapi urmacuc tamya shinami canga. Paicunaca mana huañuclla runatachu shuyanga. Ashtahuanpish Mandac Diosmantami japinga.

AMÓS 4:7

Cosechangapac quimsa quilla faltacpimi, tamyata jarcarcani. Shuc llactapi tamyachishpapish, caishuc llactapica mana tamyachircanichu. Shuctac chagrapi tamyacucpish, shuctac chagraca usyaihuami tucui chaquirca.

OSEAS 10:12

Chaimanta cunanca, alli muyuta tarpuc shina cashcata ruhuaichic. Mandac Diospac cuyaitaca cosechac shina japichic. Cunan punzhacunaca Mandac Dios ñucata mashcana punzhacunami. Chaimanta allpata tarpungapac allichichic. Ñuca shamushpa cashcata ruhuanata yachachingacamanmi chashna allichirina canguichic.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 10:13

Pai rimacpica, jahua pacha yacucunapish tandarinmi. Paimi puyutapish tucui cai pacha patacunamanta huichaiman apan. Paimi relampahuan tamyachishpa, huairataca, huaira tiyana pushtumanta llucchin.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

PROVERBIOS 16:15

Jatun mandac cushilla ñahuihuan cacpica, causaimi tiyan. Pai cuyaihuan ruhuashcaca quipa tamya puyu shinami.

SALMOS 104:13

Jahua pachapi cac cambac huasipi tiyarishpami urcucunapi tamyachingui. Cambac tamyahuanmi allpaca sumacta pucushpa jundan.

JEREMÍAS 51:16

Pai rimacpica, yacucunapish jahua pachapi tulun nishpa uyarinmi. Huairatapish, puyutapish tucui cai pachamanta huichaiman apanmi. Paillatacmi relampa jaguin nishpa tamyachin.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 CORINTIOS 3:6

Ñucaca muyuta tarpuc shina, cutin Apolosca parcuc shinami canchic. Tarpushca muyuta huiñachicca Diosmi can.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

SALMOS 72:6

Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.

JOB 29:23

Usyai quillacunapi, tamyata shuyac shinami, ñuca rimashcataca cushilla chasquiccuna carca.

SALMOS 135:7

Paimi tucui cai pachamanta puyuta huichaiman apan. Tamyachunpish relampatami cachan. Paimi huaira llucshinamanta huairatapish llucchin.

JEREMÍAS 5:24

Paicunapac shungupica: “Mandac Diosta manchashpa causashunchic. Paimi punta tamyatapish, chagrata pucuchic tamyatapish chai punzhacunapi cachan. Cosechana tiyachunpish paillatacmi usyai punzhacunata cachan” mana nincunachu.