ZACARÍAS 1:4 - Dios Rimashcata Quillcashcami

⁴ Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

ZACARÍAS 1:4 Referans Kwoze

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

ZACARÍAS 1:3

Chaimantami: Tucuita Mandac Diosca: Ñucapacman cutimuichic. Ñucapish cancunapacman cutishami.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

MIQUEAS 2:6

Paicunaca: “¡Ama huillaichicchu! ¡Chaicunamanta ama huillaichicchu! ¡Ima llaquipish mana japingachu!” nincunami.

AMÓS 5:24

Ashtahuanpish allita mandanaca yacu shina callpacuchun. Cashcata ruhuanaca mana tucuric callpacuc yacu shina cachun.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

JEREMÍAS 44:16

«Mandac Diospac shutipi can huillashcata mana cazushunchu.

JEREMÍAS 26:5

ñuca ima nishcata huillac serviccunata cutin, cutin cancunapacman huillachun cachacpi, paicunata mana uyasha nicpica,

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

JEREMÍAS 3:12

Jahua lado llactata ricushpa: “Mandac Diosca: Mana cazuc Israel-lla, ñucapacman cutimuichic. Ñucaca llaquicmari cani. Mana ashtahuan piñarishachu. Mana huiñaita piñarishachu.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

NEHEMÍAS 9:30

Tauca huatatami paicunataca, mana llaquichircangui. Cambac Espirituhuanmi, can ima nishcata huillaccunata huillachishpa yuyaita curcangui. Chashna huillacpipish mana uyacpimi, shuc llacta gentecunapac maquipi churarcangui.

NEHEMÍAS 9:26

Ashtahuanpish paicunaca, cantaca mana cazurcacunachu, can mandashcatapish, yangata ruhuashpami, yallita piñachircacuna. Canman cuti richun nishpa, can ima nishcata huillaccunatapish huañuchircacunami, yallitami llaquichircacuna.

NEHEMÍAS 9:16

Ashtahuanpish paicunapish, ñucanchic ñaupa taitacunapish jatun tucushpami, can mandashcacunataca, mana cazurcacuna.

ESDRAS 9:7

Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.

2 CRÓNICAS 34:21

—Tarishca libropi ñucamantapish, Israel llactapi, Judá llactapi saquirishca gentecunamantapish ima nicushcata yachangapac Mandac Diosta tapugrichic. Ñucanchic ñaupa taitacuna cai libropi quillcashca shina ruhuashpa, Mandac Dios rimashcacunata mana cazushcamantami Mandac Diosca ñucanchic-huan yallita piñarishpa, ñucanchicta llaquichigricun— nirca.

2 CRÓNICAS 30:7

Ama cancunapac taitacuna, huauquicuna shina caichicchu. Paicunaca paicunapac ñaupa taitacunata Mandac Diosta mana cazushcamantami paicunataca cancuna ricushca shinallatac llaquinayaita tucuchirca.

JEREMÍAS 4:1

Mandac Diosca: «Israelcunalla, ñucapacman cutishpaca, tucui shunguhuan cutimuichic. Yanga dioscunata saquichic. Ñucamanta ama ashtahuan anchurichicchu.

JEREMÍAS 23:22

Ñuca acllashcacuna ñuca cunashcata uyashca cacpica, ñuca rimashcatami huillaiman carcani. Shina huillashpaca, mana alli causaccunatapish, mana allita ruhuaccunatapish allita ruhuanatami yachachishpa ñucapacman cutichimuiman carca» ninmi.

EZEQUIEL 20:18

Shina cashpapish paicunapac churicunataca: ‘Ñaupa taitacuna mandashcacunatapish, paicuna imata ruhuachun nishcacunatapish ama pactachichicchu, ruhuashcalla dioscunata adorashpa, ama mapayaichicchu.

EZEQUIEL 33:4

Maijanpish chaita uyashpa, mana miticushpa, jatun macanacuipi huañucca paillatacmi faltayuc canga.

ZACARÍAS 7:7

¿Manachu caicunataca Jerusalenpi causaccunapish Neguevpi, Sefela pambapi cushilla causacucpi, Mandac Diosca pai ima nishcata ñaupa huillaccunata huillachirca?

2 CRÓNICAS 30:6

Huillangapac riccunaca jatun mandacpac cartatapish, pai churashca mandaccunapac cartatapish apashpami, jatun mandac mandashca shinallatac tucui Israel llactaman, tucui Judá llactaman rircacuna. Chai quillcapica: «Asiria llactata jatun mandaccunapac maquimanta atishca israelcunalla, Abrahampac, Isaacpac, Jacobopac Mandac Diospacman cutirichic. Shina cutiricpica, paipish cancunapacman shamungami.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

JEREMÍAS 25:8

Chaimantami tucuita Mandac Diosca: Ñuca rimashcata mana uyashcamantaca,

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

DANIEL 9:6

Canta servic, can ima nishcata huillaccuna cambac shutipi ñucanchic jatun mandaccunata, caishuc mandaccunata, ñaupa taitacunata, tucui israelcunata rimashcata mana cazushcanchicchu.