ZACARÍAS 1:21 - Dios Rimashcata Quillcashcami

²¹ Chaita tapushpami ñucaca: —Cai runacunaca, ¿imatac ruhuangapac shamun?— nircani. Shina nicpimi, chai angelca: —Ñaca ricushca gachucunaca Judá llactapi causaccunataca caiman, chaiman shic-huashpa cacharcami. Chashna ruhuacpica, pipish mana umata alzarcachu. Ashtahuanpish cai carpinterocunaca llactacunapi tiyac chai gachucunata chucchuchishpa, urmachingapacmi shamucun. Judá llactapi causaccunata caiman, chaiman shic-huashpa cachangapacmi gachuta alzarca— nirca.

ZACARÍAS 1:21 Referans Kwoze

ZACARÍAS 1:19

Chaita ricushpami, ñucahuan parlac angeltaca: —¿Imatac chaicunaca?— nircani. Shina nicpimi, chai angelca: —Chaicunaca Judá llactapi causaccunatapish, israelcunatapish, Jerusalenpi causaccunatapish caiman, chaiman shic-huashpa cachac gachucunami— nirca.

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

SALMOS 75:10

Paimi millaita ruhuaccuna mandacucta chingachinga. Ashtahuanpish cashcata ruhuac mandactaca ashtahuanmi cushichin.

DANIEL 12:7

Shina nicpimi, jatun yacu jahuapi lino churanata churashca shayacuc runaca alli maquitapish, lluqui maquitapish alzashpa huiñaita causac Diospac shutipi rimashpaca: “Quimsa huata chaupipimi chaica canga. Tucui caicunaca Diospaclla causaccuna mana ashtahuan llaquichishca cacpimi pactanga” nirca.

SALMOS 83:2

Riqui, canta piñaccunaca león shinami caparicuna. Canta mana ricunayachiccunaca sinchiyashcacunami.