TITO 2:8 - Dios Rimashcata Quillcashcami

⁸ ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

Nuevo Testamento en Quichua Cañar 1996

⁸ Shinallatac ama pi juchanchichunca, rimana cashcallata rimangui. Shina rimacpimi, maijanpish ñucanchicta p'iñaccunaca pingashpa, mana imata ni pudingacuna.

TITO 2:8 Referans Kwoze

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 TIMOTEO 6:3

Maijanpish ñucanchic Apunchic Jesucristo cashcata nic rimashcacunata, shinallatac ñucanchic yachachishcacunata mana allichu nishpa shuctaclayaman yachachicca,

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

SAN LUCAS 13:17

Jesús chashna nicpica, paita piñaccunaca pingarcami. Ashtahuanpish chaipi cac gentecunaca Jesús sumacta ruhuacta ricushpaca, yallitami cushicurca.

MARCOS 12:34

Jesús mandashcacunata yachachic alli yuyaihuan cutichishcata uyashpaca: —Canca Dios mandacucmantaca mana carupichu cangui— nirca. Quipaca pingaihuan pipish imata mana ashtahuan tapurcachu.

MARCOS 12:32

Chashna nicpica, chai mandashcacunata yachachicca: —Yachachic, canca mana llullashpa allitami nishcangui. Shuclla Diosmi tiyan, shucca mana tiyanchu.

MARCOS 12:28

Mandashcacunata yachachiccunapuramanta shuc runaca, Jesús imata tapucpipish allita cutichic cashcatami yacharca. Chaimantami Jesuspacman cuchuyashpaca: —Mandashcacunamantaca, ¿maijantac ashtahuan yalli alli?— nirca.

MARCOS 12:17

Shina nicpimi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca Diosllamantac cuichic— nirca. Chaimantami paicunaca yallita mancharirca.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.