TITO 1:15 - Dios Rimashcata Quillcashcami

¹⁵ Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

Nuevo Testamento en Quichua Cañar 1996

¹⁵ Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.

TITO 1:15 Referans Kwoze

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

ROMANOS 14:20

Dios imata ruhuasha nicushcataca ama micushcallamanta yangapi churaichu. Tucui micuimi micunalla, ashtahuanpish micushpa shuctac criccunata juchapi urmachinami mana alli.

1 CORINTIOS 10:23

Gentecunaca: “Imata ruhuasha nishpapish, ruhuanallami” nincunami. Chaica chashnatacmi. Shina cacpipish, criccunata sinchiyachingapacca mana tucuichu alli can.

SAN MATEO 15:18

Ashtahuanpish millai rimashcacunaca shungumanta llucshishpami, runataca juchayucta ruhuan.

ROMANOS 14:23

Ashtahuanpish “¿cai micunaca allichu, mana allichu?” nishpa micucca juchallinmi. Pai crishca shina mana micushpaca juchayucmi tucun.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

HECHOS 10:15

Shina nicpi, cutin rimashca uyarishpaca: —Dios chuyayachishcataca, ama mapami nichu— nirca.

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

1 CORINTIOS 10:25

Aicha catuccuna tucui catushcata, ama caita chaita yuyashpa micuichiclla.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

HAGEO 2:13

Hageoca: —Maijan huañushcapi tuparishpa, chai micunacunapi tuparicpica, chaicunaca, ¿mapachu tucunga?— nirca. Shina tapucpimi curacunaca: —Ari, mapami tucunga— nirca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

PROVERBIOS 30:12

Maijan huahua huahuacunaca juchacunata manarac saquishca cashpapish paicunapac yuyaillapi jucha illaccunami canchic nincunami.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.