TITO 1:11 - Dios Rimashcata Quillcashcami

¹¹ Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Paicunataca upallachina can.

Nuevo Testamento en Quichua Cañar 1996

¹¹ Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Chaimantami paicunataca upallachina can.

TITO 1:11 Referans Kwoze

2 TIMOTEO 3:6

Paicunapuramantami maijancunaca huasicunaman yaicushpa, imatapish criclla, millai yuyaicuna aticpi juchalliclla huarmicunata pandachincuna.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

TITO 3:10

Maijanpish tandanacushca criccunapi mana alli ruhuashpa chicanyanacuipi churacpica, ishcai cutincaman cunashpa rimangui. Chaita mana uyacpica, tandanacushca criccunapuramanta llucchishpa cachangui.

SALMOS 63:11

Ashtahuanpish jatun mandacca Dios-huanmi cushicunga. Maijan cashpapish Diospac shutipi huillaccunaca alli nishcami canga. Mana allita rimaccunapac shimica huichcashcami canga.

TITO 1:9

shinallatac cashcata nic, Dios rimashcata yachacushca shinallatac alli huacaichicmi cana can. Chashna cashpami shuccunatapish cashcata nic shimihuan rimashpa mana chashnachu niccunatapish upallachinga.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

SALMOS 107:42

Allita ruhuaccuna chaita ricushpa cushicuichicyari. Ashtahuanpish mapata tucui ruhuaccunaca upallachishcami canga.

2 CORINTIOS 11:10

Cristomanta cashcata nic shimicunataca ñucaca ricsinimi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcanga nini.

SAN LUCAS 20:40

Pi imata mana ashtahuan tapurcachu.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

JEREMÍAS 8:10

Chaimantami paicunapac huarmicunatapish, chagracunatapish cai llactata shuctac runacunaman cugrini. Uchilla huambracunapish, yuyaccunapish quiquinlla ima shinapish chayucyanatami munan. Tucui huillac runacunapish, curacunapish llullashpa umaccunami.

SAN JUAN 10:12

Ashtahuanpish cullquillamanta michicca mana alli michicchu. Mana paipac ovejacuna cashcamantaca atuc shamucpica, shitashpa rinllami. Atucca ovejacunata manchachishpa, maitapish shic-huashpa cachanllami.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

1 TIMOTEO 5:13

Shinallatac huasi huasi purishpami, yanga siriccuna tucun. Chashnallapish mana canchu, ashtahuanpish huashalla parlaccuna, tucuipi satirishpa manapish cashcata parlaccunami tucuncuna.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.