SOFONÍAS 3:17 - Dios Rimashcata Quillcashcami

¹⁷ Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

SOFONÍAS 3:17 Referans Kwoze

SALMOS 149:4

Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

DEUTERONOMIO 30:9

Shina causacpimi, Mandac Diosca tucui cancunapac maqui ruhuashcatapish, huahuacunatapish, cancunapac animal mirashcatapish, tucui allpa pucushcatapish achcata mirachinga. Mandac Diosca ñaupa taitacunahuan cushicushca shinallatacmi cancunahuanpish allita ruhuashpa cushicunga.

SOFONÍAS 3:15

Mandac Diosca cancunata mana llaquichingachu. Cancunata piñaccunatapish llucchishpa cachashcami. ¡Israelcunata jatun Mandac Diosca cancunapac chaupipimi! ¡Jaicapi ima llaquita mana manchanguichicchu!

SAN JUAN 15:11

Ñuca cushicuc shina cancunapish cushicuchun, shinallatac yallita cushicuihuan causachunmi, caicunataca nini.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

NÚMEROS 14:8

Mandac Dios ñucanchicman chai allpata cusha nishpaca paillatac cungallami. Chai llactaca lechepish, mishquipish yacu shina callpacuc llactami.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

ISAÍAS 18:4

Mandac Diosca: «Ñuca mandacuc huasimantaca tamyashca quipa inti sumacta achicyachic shina, cosechana punzhacunapi tamya puyu shinami, casilla tiyarishpa ricusha.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

GÉNESIS 2:2

Diosca pai ruhuana cashcataca canchis punzhapimi tucuchirca. Tucuita ruhuashpaca, canchisniqui punzhapica samarircami.

OSEAS 14:4

Mandac Diosca: «Paicuna mana cazushpa, mana allita ruhuashcataca allichishpami yallitami cuyasha. Ñucaca ña mana ashtahuan paicunahuan piñarishachu.

JOEL 2:21

¡Cai llactapi causaccunalla, ama manchaichicchu! ¡Yallita cushicuichic! ¡Mandac Diosca jatun mancharinacunatami ruhuanga!

DEUTERONOMIO 23:15

Shuc servic amopacmanta miticushpa, cancunapacman chayacpica, ama amopacllamanta cutichishpa cachanguichicchu.

SALMOS 78:65

Shina cacpipish, Mandac Diosca sueñuimanta riccharic shinami jatarirca. Shuc macanacuc runa mishashpa caparic shinami caparirca.