SOFONÍAS 3:11 - Dios Rimashcata Quillcashcami

¹¹ Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

SOFONÍAS 3:11 Referans Kwoze

ISAÍAS 54:4

Ama manchaichu, mana pingaichishcachu cangui. Ama pingaichu, cantaca pi mana burlangachu. Ashtahuanpish huambrarac cashpa, pingashcata, viuda cashpa, pingashcataca mana ashtahuan yuyaringuichu.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

DANIEL 9:16

Mandac Dioslla, cashcata ruhuac cashca shinallatac Jerusalenmanta, cambaclla chicanyachishca urcumanta cambac nina japiric shina yallita piñarishcata anchuchiyari. Ñucanchic juchacunamanta, ñucanchic taitacuna millaita ruhuashcamantami ñucanchic muyundipi causaccunaca Jerusalentapish, can acllashcacunatapish burlashpa rimancuna.

JEREMÍAS 7:4

Maijancuna: ‘¡Caica, Mandac Diospac huasimi! ¡Mandac Diospac huasimi! ¡Caica, Mandac Diospac huasimi!’ nicpipish, ama cringuichicchu.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ROMANOS 2:17

Canca: “Israelmi cani, Moisés mandashcacunatapish charinmi, Dios-huanpish allimi cani” nishpami jatun tucungui.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

SALMOS 49:5

Ñucata piñaccuna llaquichicucpi, millai yuyaihuan ñucata muyucucpica, ¿imamantatac manchashayari?

NÚMEROS 16:3

Tucui cai gentecunami Moisestapish, Aarontapish llaquichishpaca: —¡Ña mana ashtahuan ñucanchicta mandanachu canguichic! Tucui israelcunami Diospaclla chicanyarishca cancuna. Mandac Diospish ñucanchic chaupipimi causacun. Shina cacpica, ¿ima nishpatac cancunalla tucuita yachaclaya mandashpalla causacunguichic?— nirca.

SALMOS 59:12

Paicunapac shimihuan juchallishcamanta, paicunapac shimihuan llaquichishcamanta, paicuna jatun tucushpa rimashcamanta, llaqui tucuchun nishcamanta, llullashpa rimashcamantaca prezushca cachun.

SALMOS 131:1

Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

ISAÍAS 5:15

Cari tucushcacunatapish pingaichishpami cumurichinga. Ñahuita alzashpa jatun tucushpa puriccunatapish cumurichingami.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

JEREMÍAS 13:9

«Judá llactapi, Jerusalenpi causac yallita jatun tucushca gentecunatapish ismuchishca chumbita shinami tucuchigrini.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.