SOFONÍAS 2:9 - Dios Rimashcata Quillcashcami

⁹ Tucuita Mandac Dios ñuca shutipimi nini: Moabitacunaca Sodoma shina, amonitacunaca Gomorra shinami tucunga. Chaipica chinicuna jundashca pamba, cachita llucchina pushtu tucushpami, huiñaita shitashca canga. Ñuca acllashcapuramanta maijan saquirishcacunami paicuna ima charishcacunataca apanga. Paicunallatacmi allpacunataca japinga ninmi.

SOFONÍAS 2:9 Referans Kwoze

ISAÍAS 11:14

Ashtahuanpish ishcai tucushpami, inti tigrana ladopi causac filisteocunataca urmachinga. Inti llucshina ladopi causaccunapac charishcacunatapish tucuimi quichungacuna. Edom, Moab llactapi causaccunaca paicunatami servinga. Amonitacunapish paicunatami cazunga.

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

JEREMÍAS 50:40

Ñuca Sodomata, Gomorrata, chai muyundi llactacunata llaquichicpi, llaqui tucurca, chashnallatacmi Babilonia llactapish tucunga. Chaipica pi ña mana causangachu. Huiñaitami shitashca saquiringa. Chaitaca Mandac Dios ñucami nini.

JEREMÍAS 48:1

Israelcunapac tucuita Mandac Dios Moab llactamanta rimashpaca: «¡Aij, Nebo llactaca tucui tucuchishcami canga! ¡Quiriataimpi causaccunapish tucuchishpa pingaichishcami canga! ¡Muyundita jarcashca pircacunapish urmachishcami canga!

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ROMANOS 14:11

Dios quillcachishcapica: «Mandac Diosca: “Tucuimi ñucapac ñaupapi cunguringacuna. Tucui rimaipimi ñucataca ‘canca Diosmi cangui’ ningacuna” nin» ninmi.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

SOFONÍAS 2:14

Chaipica charina animalcuna, sacha animalcuna shayanami tucunga. Tutaca pucucuna, erizo animalcunami huasi pilarcunapi sueñunga. Ventanacunapica huacacungami. Cedro vigacunapish paquirishpami ricunalla siricunga.

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

JEREMÍAS 49:18

Chai llactaca Sodoma, Gomorra llactacunata, chai muyundi pueblocunata tucuchishca shinami saquiringa. Shucllapish mana saquiringachu, pipish mana causangachu.

JEREMÍAS 46:18

Ñucaca causacuc Jatun Mandacmi cani. Ñuca shutica tucuita Mandac Diosmi. Soldadocunaca tucui urcucunamanta yalli Tabor urcuta, mama cucha ladopi tiyac Carmelo urcuta yalli jatunmi chayamunga.

NÚMEROS 14:21

Ñuca shutipimi nini. Ñuca causacushca shinallatacmi ñucapac sumaimana achicca cai pachapipish jundami can.

JEREMÍAS 49:1

Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

JEREMÍAS 49:33

Hazorca huiñaitami shitashca pamba saquiringa. Chacal animalcunallami causanga. Cutinca pi mana causangachu» ninmi.

AMÓS 2:1

Mandac Diosca: «Moab llactapi causaccunataca, catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactata jatun mandacpac tullucunataca uchupa tucungacamanmi rupachirca.

DEUTERONOMIO 29:22

Cancunapac churicunapish, huahua huahuacunapish, caru llacta runacunapish Mandac Dios cai llactaman jatun plagacunata, jatun ungüicunata cachashcata ricushpaca:

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!