SOFONÍAS 2:15 - Dios Rimashcata Quillcashcami

¹⁵ Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

SOFONÍAS 2:15 Referans Kwoze

EZEQUIEL 28:2

«Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

NAHÚM 3:19

Cambac nanaita allichic jambica mana tiyanchu. Chugrica mana jambipacmi tucushca. Can ima tucushcataca uyashpaca tucuimi cushicunga. Canca tucuitami llaquichircangui» ninmi.

ISAÍAS 22:2

¡Sinchita caparishpa, ima shinapish cushicuc gentecunalla! Caipi causaccunaca espadapi, mana jatun macanacuipichu huañurca.

EZEQUIEL 28:9

¿Canca huañuchiccunapac ñaupapica: ‘Diosmi cani’ ni pudinguichu? ¡Canca huañuchiccunapac ñaupapica runallami cangui! ¡Mana dioschu cangui!

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

JEREMÍAS 19:8

Chai llactataca tucuipac mancharinata, burlashpa asinatami ruhuasha. Pipish chaita pasashpaca, yallita mancharingami, shinallatac chai llacta llaqui tucushcamanta burlashpa asingami.

SAN MATEO 27:39

Chaita pasaccunaca umata cuyuchishpa, Jesusta

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

EZEQUIEL 27:36

Shuctac llacta catuccunapish can llaqui tucushcata ricushpaca silbangacunami. Canca jatun mancharinami tucungui, huiñaipacmi chingaringui” ninmi ningui» nirca.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

ISAÍAS 32:9

Imatapish mana llaquic huarmicuna ñuca rimashcata jatarishpa uyaichicyari. Ima llaqui shamunata mana yuyaric huarmicuna ñuca imata yuyarishpa huillashcata uyaichicyari.

JOB 27:23

Maquita huactashpa cushicuc shinami huairaca llaquichinga. Silbashpa burlac shinami pai tiyacushcamanta apanga.

JOB 16:4

Ñuca shina cancuna cacpica, ñucapish cancuna shina imatapish nimanllami. Ñucapish umata cuyuchishpa, cancunata piñachishpa rimaimanllami.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

ISAÍAS 32:14

Mandashpa tiyana huasipish shitashcami canga. Llactapi causac achca gentecuna bullashcapish mana uyaringachu. Lomapish, chapana torrecunapish sacha burrocuna huiñaita causana, ovejacuna shayanami tucunga.

JEREMÍAS 18:16

Chashnami paicunapac llactaca llaquinayaita tucuchicun. Tucui causaipi yallita burlashpa asina llactami tucunga. Maijanpish chai llactata pasacushpaca mancharishpa, umata cuyuchishpami pasanga.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

JEREMÍAS 50:13

Ñuca yallita piñarishpami chai llactaca shitashca pamba, shucllapish mana causanata saquisha. Babilonia llactata pasaccunaca llaquinayai siricucta ricushpami mancharinga. Burlashpami asingacuna.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

HABACUC 1:7

Paicunaca yalli millai runacunami. Ima mandashcatapish mana cazushpa, quiquin munashcata ruhuashpami, jatun tucuncuna.