SOFONÍAS 1:8 - Dios Rimashcata Quillcashcami

⁸ Mandac Diosca: «Animalta shina huañuchina punzhapica mandaccunata, churicunatapish, shuctac llacta churanata churarishca gentecunatapish llaquichishami.

SOFONÍAS 1:8 Referans Kwoze

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 39:7

Cambac maijan churicunataca Babilonia llactata jatun mandac mandana huasipimi eunuco tucushpa causachunmi apanga” ninmi— nirca.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

2 REYES 10:22

Chaipimi Jehuca churanata cuidac runataca: «Baal diosta tucui serviccuna churarichun, churanata llucchimuichic» nirca. Shina nicpimi, paicunaman churanacunata llucchimurca.

DEUTERONOMIO 22:5

Huarmica ama cari churanata churarichun, caripish ama huarmi churanata churarichun. Mandac Diosca chashna churariccunataca millanayachinmi.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

HABACUC 1:10

Jatun mandaccunatapish, shuctac mandaccunatapish, burlashpa asishpami pingaichinga. Muyundita pircashca llactata ricushpaca asingacunami. Macanacuna pushtucunata ruhuashpami llactata quichunga.