SALMOS 99:8 - Dios Rimashcata Quillcashcami

⁸ Ñucanchicta Mandac Dioslla, canmi paicuna mañashcataca cutichic carcangui. Paicuna mana allita ruhuashcataca perdonacmi carcangui. Shina cashpapish paicuna millaita ruhuashcamantaca llaquichicmi carcangui.

SALMOS 99:8 Referans Kwoze

NÚMEROS 20:12

Mandac Dios Moisestapish, Aarontapish rimashpaca: «Cancunaca ñucata mana crircanguichicchu, ñuca jucha illac cashcatapish israelcunaman mana ricuchircanguichicchu. Chaimantami cancunaca ñuca cushca llactamanca tandanacushca israelcunahuanca mana yaicunguichic» nirca.

SALMOS 89:33

Shina cacpipish, Davidta llaquinataca manatac saquishachu. Cashcata ninatapish mana saquishachu.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

ECLESIASTÉS 7:29

Riqui, ñucaca caillatami tarircani. Diosca runataca allitami ruhuashca. Ashtahuanpish paillatacmi mana allita yuyarishca ninmi.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

SOFONÍAS 3:7

Ñucaca: “Jerusalenpi causaccunaca manchangapishchari. Cunashpa rimashcataca cazungapishchari. Shina cazucpica, paicuna causana huasicunatapish mana chingachimanchu” nishpami yuyarcanimi. Ashtahuanpish paicunaca millaita ruhuanatami munarca.

DEUTERONOMIO 3:26

Mandac Diosca cancunamantami ñucahuanpish piñarishpa ñuca mañashcata mana uyarca. Chaimantami Mandac Diosca: “¡Ña chailla! Ama caimanta ashtahuan rimaichu.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

ÉXODO 32:2

Shina nicpimi Aaronca: —Cancunapac huarmicuna, churicuna, ushicuna ringripi churashca curi zarcillocunata apamuichic— nirca.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.