SALMOS 99:7 - Dios Rimashcata Quillcashcami

⁷ Diosca suniclla puyumantami paicunahuanca parlac carca. Paicunaca ima shina causanata yachachishcatapish, quillcashpa mandashcacunatapish cazushpami causarcacuna.

SALMOS 99:7 Referans Kwoze

ÉXODO 33:9

Moisés Dios-huan tupana huasiman yaicucpica, suni puyumi jahuamanta huasi punguman shamuc carca. Chaipimi Mandac Diosca Moises-huan parlac carca.

NÚMEROS 12:5

Paicuna chaipi cacpimi, Mandac Diosca suniclla puyupi shamushpa, paihuan tupana huasi yaicunapi shayarishpa, Aarontapish, Mariatapish cayarca. Chaipi ishcaita cuchuyacpimi,

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

HEBREOS 3:2

Jesusca Dios nishcata pactachicmi carca, chai shinallatacmi Moisespish Diospac huasipica, tucuita pactachirca.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

SALMOS 105:28

Amsata cachashpa chai llactata tucui tutayachicpipish pai rimashca shimitaca mana cazurcacunachu.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.

ÉXODO 40:16

Moisesca Mandac Dios mandashca shinallatacmi tucuita ruhuarca.

ÉXODO 19:9

Shina huillacpimi, Mandac Diosca Moisestaca: —Ñucami amsa puyupi cambacman shamusha. Chashna shamushpa, canhuan parlacta israelcuna uyashpami, cantaca tucui causaipi cringa— nirca. Cutin israelcuna ima nishcataca Moisesca Mandac Diosmanmi huillarca.

NÚMEROS 16:15

Chaimantami Moisesca yallita piñarishpa Mandac Diostaca: —Mandac Dioslla, Ñucaca shuc burrollatapish mana japishcanichu. Paicunapuramanta pitapish mana llaquichishcanichu. Chaimanta paicuna cushca ofrendataca ama chasquichu— nirca.