SALMOS 99:5 - Dios Rimashcata Quillcashcami

⁵ ¡Ñucanchicta Mandac Diostaca jatunyachichicyari! Pai jucha illac cashcamantaca paipac chaqui ñaupapi cumurichicyari.

SALMOS 99:5 Referans Kwoze

SALMOS 132:7

¡Dios-huan tupana huasiman jacuchic! Chaiman yaicushpa paipac chaqui saruna ñaupapi cungurishunchic.

ISAÍAS 66:1

Mandac Diosca: «Jahua pachaca ñuca mandashpa tiyanami. Cai pachaca ñuca chaqui sarunami. ¿Maipitac ñuca huasitaca shayachinguichic? ¿Maipitac ñuca samarinataca ruhuanguichic?

SALMOS 108:5

¡Dioslla, jahua pachapipish jatunyachishca cachun! ¡Can sumaimana cashcata tucui cai pachapi ricsishca cachun!

SALMOS 34:3

Mandac Diostaca ñucahuan pacta alli nichicyari. Paipac shutitaca shuc shinalla tucushpa jatunyachishunchicyari.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

SALMOS 99:3

Manchana paipac jatun shutitaca alabaichicyari. ¡Paica jucha illacmi!

SALMOS 118:28

Ñuca Diosca canmi cangui. Cantami pagui nisha. Ñuca Dioslla, cantami jatunyachisha.

SALMOS 107:32

Tucui gentecuna tandanacushcapi Diostaca jatunyachichicyari. Pushac yuyaccuna tandanacushcapi alabaichicyari.

SALMOS 99:9

¡Ñucanchicta Mandac Diostaca jatunyachichicyari! Ñucanchicta Mandac Dios jucha illac cashcamantaca paipaclla urcu ñaupapi cumurichicyari.

SALMOS 21:13

¡Mandac Dioslla, imatapish ruhuac cashcahuan can jatun cashcataca ricuchiyari! ¡Mishachishcamantaca cantashami, alabashami!

LEVÍTICO 19:2

«Tandanacushca israelcunataca: “Ñuca cancunata Mandac, jucha illac Diosmi cani. Chaimanta cancunapish jucha illac caichic.

1 CRÓNICAS 28:2

Chashna tandachishpami Davidca: «Ñuca huauquicunalla, ñuca pueblopi causaccunalla, caita uyaichic. Mandac Dios ari nishca quillcata huacaichina Arcata huacaichingapac, shinallatac Paipac chaquita chaipi churachunmi ñuca shungupi shuc huasita ruhuanata munarcani. Chaimantami chai huasita ruhuangapac ña tucui allichircani.

OSEAS 11:7

Ñuca acllashcacunaca jatun tucushpami, ñucata mana cazun. Jahua pachapi causac Dios ninacushpapish ñucataca pi mana jatunyachinata munanchu.