SALMOS 98:1 - Dios Rimashcata Quillcashcami

¹ ¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

SALMOS 98:1 Referans Kwoze

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu causaita chariccunapac ñaupapi shinallatac ishcai chunga chuscu yuyaccunapac ñaupapi cantacurcacuna. Chai cantotaca pipish mana yachacui pudircachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachacurca.

SALMOS 96:1

¡Mandac Diostaca mushuc cantohuan cantaichic! ¡Mandac Diostaca tucui cai pachapi causaccuna cantaichicyari!

SALMOS 33:3

Mushuc cantohuan cantaichicyari. Cushicushpa sumac tonota tocaichicyari

SALMOS 96:3

Pai sumaimana cashcataca tucui llactacunapi huillaichic. Pai mancharinacunata ruhuashcataca shuctac gentecunaman parlaichicyari.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

HECHOS 2:11

Shinallatac Creta llactamanta, Arabia llactamantami caipi canchic. Dios mancharinata ruhuashcataca, tucui shamuccunami quiquin rimaipi uyacunchic— ninacurca.

SAN LUCAS 1:49

Imatapish ruhuaclla Diosca mancharinacunatami ruhuashca. Paica jucha illacmi.

JEREMÍAS 31:22

Mana cazuc soltera shina Israel-lla, ¿ima horascamantac caita chaita puricunguilla? Mandac Dios ñucami cai llactapica mushucta ruhuasha. Huarmica cusapac ladomanmi shamunga» ninmi.

ISAÍAS 63:5

Ñuca muyundita chapacpica, pipish ñucata ayudac mana tiyarcachu. Chaita ricushpaca mancharishpa saquirircani. Chaimantami ñuca rigrallahuantac macanacushpa misharcani. Ñuca yallita piñarishcami sinchiyachirca.

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

SALMOS 149:1

¡Mandac Diosta alabaichicyari! Mandac Diostaca mushuc cantohuan cantaichicyari. Mandac Diospaclla tandanacushcapi alabaichicyari.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ISAÍAS 59:16

Mandac Diosca chashna millaita ruhuashpa causacucta ricurcami. Chashna ruhuacucpipish, pi mana ayudac tiyacpimi, yallita llaquirirca. Chaimantami paipac poderhuan quishpichirca. Shinami cashcata ruhuac cashcata ricuchirca.

SALMOS 139:14

Can chashna sumaimanata ruhuashcamantaca pagui ninimi. Can ruhuashcacunaca sumaimanami. Chaitaca ñuca almapish allitami yachan.

SALMOS 136:4

Paillami jatun mancharina sumaimanacunataca ruhuarca. ¡Paica huiñaita llaquicmi!

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

SALMOS 86:10

Canca sumaimanacunata ruhuac jatun Diosmi cangui. ¡Canllami Diosca cangui!

SALMOS 77:14

Canca sumaimanacunata ruhuac Diosmi cangui. Can tucuita ruhuac cashcataca tucuimanmi ricuchircangui.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

HECHOS 19:20

Apunchic Jesusmanta maipipish huillacpimi, ashtahuan crishpa mirarirca.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

SALMOS 72:18

¡Israelcunapac Mandac Dioslla, alli nishca cachun! Paillami sumaimanacunata ruhuacca.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

ISAÍAS 12:5

¡Mandac Diosca jatun mancharinacunatami ruhuashca! Chaimanta paitaca salmocunahuan cantaichicyari. Chaicunataca tucui cai pachapi causaccunami yachana can.